Lukas 5:34 - Manobo Ata

³⁴ Nigtabak si Hisus to pananglitan. Nig-inso din, “Litos to goinawa now to kono ogkoon ka mgo pigtugunan to pagkoonan to kasal? Ka ku kow! Ko duon pad ka lukos no ogpangasawa kono ogkaayun no oglangkad ki ogkoon.

Lukas 5:34 Iomraidhean Croise

Matiu 22:2

“Ka Pandatuan to Magboboot dio to langit ogkounawa to katondanan to songo labow no igbuyag no nigpanagana to pagkoonan su og-asawa ka anak din.

Matiu 9:15

Nigtabak si Hisus kandan to pananglitan. Nigkagi to, “Litos to goinawa now to kono ogkoon ka mgo pigtugunan to pagkoonan to kasal? Ka ku kow! Ko duon pad ka lukos no ogpangasawa, kono ogkaayun no oglangkad ogkoon. Di ko ogdakopon on ka lukos no ogpangasawa, nò, sikan on ka allow no oglangkad on sikandan no ogkoon.”

Lukas 5:33

Duon ka mgo otow dio no kagi ran ki Hisus to, “Ka batasan to mgo hibatoon ni Huan ko ogtuud to og-ampu to Magboboot, malasi oglangkad ogkoon. Songo ogkounawa rod ka batasan to mgo Parisiu. Di ka koykow no mgo hibatoon, ogkoon atag woy og-inum dod.”

Lukas 5:35

Di duon allow no ogdakopon on ka lukos no ogpangasawa no warad sikandin dio to kandan, sikan ian ka allow no oglangkad to ogkoon sikandan.”

Huan 3:29

Nigparagas nigkagi si Huan to pananglitan. Kagi rin, “Ko duon lukoson no ogpangasawa, sikan ka tagtuun to boi. Ka sikan no amigu to lukos no ogtagad kandan ogkarago ko ogdinog on to lagong to sikan no ogpangasawa. Sikan ian ogkohogot ka igkarago ku.” kagi ni Huan.

2 Kurintu 11:2

Ogpakapanalikud a kaniu no ogpakadalong a to dakol no goinawa to Magboboot kaniu. Ian su inat to ogpakasuwoy kow on to sikan no matul-id no dalan no oghondio ki Hisus su ian now ogkounawaan ka dalaga no waro pad mabuingi no nigpanakinan kud on. No si Hisus ka ogpurut kaniu.