Lukas 5:24 - Manobo Ata

²⁴ Nò, “Koddi ka Kakoy to mgo Koot-otawan kai to kalibutan no igpakita ku kaniu to duon ian katondanan ku to ogpasaylu to salo to mgo otow.” Nò, nigkagian din ka sika nigkolog to, “Usi, onow kad on, paragas kad on ogsasindog no puruta nu ka hibatanan nu no uli kad on.”

Lukas 5:24 Iomraidhean Croise

Matiu 16:13

No, nighipanow on woy si Hisus no nanhondio to sikan no ugpaan no marani to lunsud to Sisaria Pilipu. To diad on sikandan, nig-insaan din ka mgo hibatoon din no kagi rin to, “Koddi no Kakoy to Koot-otawan kai to tano, hontow a kun to sumsumanan to mgo otow?”

Matiu 25:31

Sikoddi no Kakoy to Tibon Koot-otawan, ko oglibong a oyow koddi on ka Labow no Igbuyag kai to tano, ogdumaan a to mgo diwata no suguanon to Magboboot. Ogpinnuu a to pinnuuanan to labow no Igbuyag no dakol ka kabogbogan ku woy ogkitoon ka karoyawi ku.

Matiu 26:64

Woy nigtabak si Hisus to, “Sikan on ian ka innangon nu, woy ognangonan ku sikaniu no koddi no Kakoy to Tibon Koot-otawan, ogkitoon a now uromo no ogpinpinnuu dio to kawanan to Magboboot. Songo ogkitoon a now no ogpokountud to gapun no oglibong a dini to soin no kalibutan.”

Matiu 28:18

Nignangon si Hisus to, “Imbogoy koddi ka tibo no katondanan to langit woy to kalibutan.

Matiu 4:24

Nabantug si Hisus dio to marani no mgo lunsud woy agad dio to tibo no ugpaan to Siria. Omunaan nig-alap to mgo otow dio to kandin ka tibo no mandaralu, agad nokoy no kalasi no ogkounawa to otow no nigsoloran to busow, ka ogbaboyon woy ko noumil no mgo otow. Nigbawian din ka tibo.

Matiu 9:6

Sikoddi no Kakoy to Koot-otawan, igpakita ku kaniu to duon katondanan ku kai to kalibutan to ogpasaylu to mgo salo to mgo otow.” Nò, nignangonan ni Hisus ka otow no nigkolog ka lawa rin to, “Koykow Sulod, puruta nu ka hibatanan nu woy uli kad on.”

Lukas 5:13

No pigtinawo ni Hisus ka ibungon no pigdampo din ka lawa rin. Kagi ni Hisus to, “Ogkoiniatan ku ian no ogkabawian kad on.” Nò, naawo on ka mgo kogang dio to lawa to sikan so ibungon.

Lukas 5:18

Nò, duon nokouma no lukos no niglolongan to mgo duma rin. Ka sikan no otow, nokohibat do duon to hibatanan din su kono oggoram ka lawa rin. Nò, igpamangho to mgo otow ko hondoi ran igpabayo su ogpasoloron dan poron ka otow no piglolongan dan su dio dan poron ipohibat to tangkaan ni Hisus.

Lukas 5:23

Hondoi ka malomu, ko ogkagian ku ro ka nigkolog so lawa to, ‘Napasaylu on ka salo nu’ woy ko ogkagian ku pad sikandin to, ‘Onow kad on no hipanow kad on.’ ”

Lukas 7:14

no nigdulug si Hisus to namatoy no niggongonan din ka nigpohibatan to namatoy. Nò, nigsagdok on ka mgo lukos no oglolong dut namatoy. Kagi ni Hisus dut namatoy to, “Utu, ogkagian ku sikoykow to onow kad on.”

Lukas 8:54

Di niggongonan ni Hisus ka bolad to bato no kagi rin to, “Igi, onow kad on.”

Huan 11:43

To naponga nig-ampu, nigbabansagon nig-umow. Kagi rin, “Wow Lasaru, libuwas ka!”

Huan 17:2

Pigbogayan a nud, Amo, to koykow no kabogbogan oyow ogkabogayan ku to ogkootawan no waro katamanan ka tibo no mgo otow no imbogoy nud koddi.

Huan 3:13

Waro pad otow no nokohondio to langit dio to Magboboot ko kono no sikoddi no Kakoy to Koot-otawan no dia a nigpuun.”

Huan 5:27

Woy nigbogoy ka Magboboot to katondanan koddi no Anak din to ogboot to mgo otow su koddi ka Kakoy to Koot-otawan.”

Hinimuan 14:10

No nigpaagbot si Pablo to nigkagi to napogkot to, “Sasindog ka woy kotonga nud on ka paa nu. Inogo on no niglapognat nigsasindog woy nighihipanow on ka otow no napogkot.

Hinimuan 5:31

No dio din ipapinpinnuu si Hisus to kawanan din su sikandin ka insabuk din no Lagboy no Igbuyag ta woy Talagpangabang kanta. No ian to oyow sikanta no pinanganak ni Israil, ogsonditon woy og–ongkoran ta ka maroot no batasan ta, no ogpasayluon din on ka mgo salo ta.

Hinimuan 9:34

Kagi ni Pedro kandin to, “Inias, si Hisu Kristu ka og–uyag to lawa nu. Onow kad on. Woy tapirad ka pighibatan nu.” Inogo on sikan no nokoonow on woy nakasasindog.

Hinimuan 9:40

Di impalibuwas on ni Pedro ka tibo no mgo otow. No nigluhud sikandin no nig–ampu to Magboboot. Pogkaponga, nigtangkaan din ka lawa to namatoy no kagi rin to, “Tabita, onow kad on.” Inogo on no nighimata on si Dorkas. No pogpitow rin ki Pedro, nigpinpinnuu.

Impapitow 1:13

No dio to taliwaro to sikan no mgo ilawan, duon nigkita ku no ogkoiling to otow. Ka kinabo din, dio taman to paa rin. No duon insalubabat no bulawan dio to sosolobon din.