Lukas 5:2 - Manobo Ata

² Nò, nigkita ni Hisus ka darua no balutu no dakol no nigduung dio to pantad di ka mgo talagngangalap, waro sikandan to balutu ran su oghugasan dan ka mgo sigay ran.

Lukas 5:2 Iomraidhean Croise

Matiu 4:18

Songo allow to si Hisus dio to ilis to lanow to Galilia, nigkita rin ka darua no lukos no patalahari no si Simon no songo oghingaranan ki Pedro woy ka hari rin no si Andres. Nigsisigay sikandan duon to lanow su talagngangalap sikandan.

Matiu 4:21

Nigparagas no nighipanow woy si Hisus no nigkita rin ka songo darua no lukos no patalahari no si Santiago woy si Huan no mgo anak ni Sibidiu. Dio sikandan to balutu ran duma to amoy ran su ogbalbalawan dan ka sigay dan.

Markos 1:16

No, nighihipanow on si Hisus dio to ilis to lanow no oghingaranan to Galilia no nigkita rin si Simon woy si Andres no patalahari no ogpanaraya dut ilis to lanow su talagngangalap man sikandan.

Markos 1:19

Nigparagas nighipanow woy si Hisus no nigkita rin ka dangob no darua no patalahari duon dod to balutu dan no ogbalbalawan dan ka mgo sigay ran. Si Santiago woy si Huan ka ngaran dan no ian mgo anak ni Sibidiu.

Lukas 5:1

Songo allow, nigsasindog si Hisus dio to marani to dakol no lanow no nighingaranan dan to Lanow to Hinisarit, no napipi on si Hisus dut mgo otow no ogpandanirani kandin su ogkoiniatan dan to ogpamminog to kagi bahin to Magboboot.

Lukas 5:3

Nò, nig-untud si Hisus to sagboka no balutu no dakol no ian balutu ni Simon. No kagi ni Hisus ki Simon to, “Paantawa nu ro dio to woig.” Nigpinnuu si Hisus to balutu ko nig-anad to mgo otow no dio to tobtobasan sikandan.

Huan 1:40

Si Andres no hari ni Simon Pedro ka sagboka no lukos no nigluyud on ki Hisus.