Lukas 5:14 - Manobo Ata

¹⁴ No, nigsugu ni Hisus sikandin to, “Ko nu nangoni ka agad hontow to nabawian on ka kogang nu; hondio kad nasi to talagpanubad to Magboboot no ipapitow nu kandin to warad on ka ibung to lawa nu. Ibogoy nu to Magboboot ka insugu ni Moisis dongan no igtubad su ian ka igpoitaga to mgo otow to malogot ian no noulian kad on.”

Lukas 5:14 Iomraidhean Croise

Matiu 10:18

Woy og-alapon kow nikandan dio to tangkaan to gobirnador woy mgo igbuyag su ogtuu kow koddi. Ko ogkoumaan kow on soini, ignangon now ka Maroyow no Nangnangonon dio to mgo Hudiu woy to mgo kono no Hudiu.

Matiu 12:16

Nigkagian din sikandan to kono dan ogpohitaga ko hontow sikandin.

Matiu 8:4

Nò, kagi ni Hisus kandin, “Pamminog ka Usi, kono nu nangoni ka agad hontow to soini no nighimu ku koykow. Di hondio ka to talagpanubad dio to Dakol no Ampuanan oyow ipapitow nu kandan to noulian kad on to sikan no kogang nu. Nò, bogoy ka to Magboboot to insugu ni Moisis dongan no igtubad. Tumana nu soini su ian ka igpoitaga to tibo no mgo otow to noulian kad on to kogang nu.”

Matiu 9:30

Nò, nabawian on ka mgo mata ran no sikan ian ogpakakita on sikandan. Nignangonan ni Hisus sikandan to kono kow ognangonnangon to agad hontow.

Markos 6:11

Di ko kono ogtinawo kaniu dio to datongan now porom woy ko kono ogsagman ka mgo otow to nangnangonon now, topungi now ka basak duon to paa now no hipanow kow on. Sikan ian ka igpatokod now to mgo otow to warad labot now to sikan no lunsud ko oglogparan sikandan to Magboboot.”

Lukas 17:14

Pogkita ni Hisus kandan, kagi rin to, “Hondio kow on to mgo talagpanubad to Magboboot to oyow ogpitawon dan ka lawa now ko warad ka kogang now.” Nò, nighipanow on sikandan no to dio to dalan, natibo on nabawian to mgo kogang dan.

Lukas 5:13

No pigtinawo ni Hisus ka ibungon no pigdampo din ka lawa rin. Kagi ni Hisus to, “Ogkoiniatan ku ian no ogkabawian kad on.” Nò, naawo on ka mgo kogang dio to lawa to sikan so ibungon.

Lukas 9:5

Agad hondoi no lunsud ko kono kow ogpalopowan,” kagi, “ko ogpokohipanow kow on no ogligkat to sikan no lunsud, topungi now ka paa now oyow ogkaawo ka basak no igpatokod now to waro labot now to sikan no lunsud ko oglogparan sikandan to Magboboot,” kagi ni Hisus.