Lukas 3:14 - Manobo Ata

¹⁴ No duon ka mgo sundalu dio no songo nig-inso ki Huan to, “Sikanami naan, songo nokoy ka litos no oghimuon noy?” Kagi ni Huan kandan to, “Ko kow ogpanakow. Kono kow on oghinallok to mgo otow no igpogos now kandan to salapi dan oyow igbogoy ran kaniu. Agad kono now ogbayungi to kono no malogot. No ka dangob no ignangon ku kaniu no mgo sundalu, tukawi now ka salapi no igbayad to gobirnu kaniu.”

Lukas 3:14 Iomraidhean Croise

Matiu 8:5

Nighipanow on si Hisus no nighondio to lunsud to Kapirnaum. To nigsolod to sika no lunsud, nakatagbu to taga Ruma no kapitan to songo gatus no mgo sundalu no nigpabulig sikandin ki Hisus. Kagi rin, “Buyag, dio to baloy ku, nigdaralu ka suguanon ku. Noumil on sikandin woy nabaybayaran lagboy sikandin.”

Lukas 19:8

Di si Sakiu, nigsasindog no kagi rin ki Hisus to, “Nò, Buyag, ka tonga to kalaglagan ku, igbogoy ku dio to mgo otow no publi, no ko duon otow no pigluku ku to agad nokoy, ig-uli ku kandin ka hop-at no baad.”

Lukas 3:10

Kagi to mgo otow no mohon-ing to, “Huan, nokoy naan ka litos no oghimuon noy?”

Lukas 3:13

Kagi ni Huan, “Ka bayad to buhis no innangon to igbuyag now, kono now pasubloi.”

Hinimuan 10:7

Ko warad on ka diwata no nigkagi kandin, pig–umow ni Kornilio ka daruwa no uripon no suguanon din woy ka sagboka no sundalu no indakoli rin ka Magboboot to goinawa. Ka sikan no mgo otow no tatolu ka naalam din ligkat to duma no mgo suguanon din.

Pilipus 2:15

Ian su oyow, tagood to ogpokougpo kow pad kai to kalibutan woy ogpakataliwaro kow to mgo otow no maroot no makasasalo, di waro solug no maroot dio to goinawa now woy waro igkoogot kaniu su ogmaroyow tibo ka mgo batasan now su nohimu kow on no mgo anak to Magboboot. No sikan ian no ogkabat-awan now sikandan no ogkounawa kow to mgo bituon no oglayag dio to langit su

Pilipus 4:11

Ka soini, kono no ignangon ku kaniu to kono no litos ka pog-ugpo ku su natagaam ad to agad nokoy ka pog-ugpo ku no ogmaroyow ro ka goinawa ku.

Titu 2:3

Ka buyagbuyag no mgo boi, songo udlingi nu sikandan oyow ogdoyroyawon dan ka mgo batasan dan oyow litos to boi no nigtuu on ki Hisus. Og-awoson to kono ogpanalosob to agad hontow woy to kono dan oglasinglasing. Woy og-awoson to maroyow ka ig-anad dan to mgo boi no bato pad kandan

Impapitow 12:10

Nò, duon nigdinog ku no maagbot no lagong no nigligkat to langit no nignangon to, “Kuntoon, nigdatong on ka pogpangabang to Magboboot, woy igpohitaga rin on ka kabogbogan din to og-alap to pandatuan din. Woy impohitaga rin on to si Kristu, no ian ka Im-imanan to mgo Koot-otawan, sikandin ka nigbogayan to Magboboot to katondanan din to og-alap to pandatuan din to soini no kalibutan. Ian su indogpak on si Satanas no ungod ogsasindog to tangkaan to Magboboot to maallow woy ka marusilom no ogbayungbayung to mgo sulod tanow to pogtuu.