Lukas 24:5 - Manobo Ata

⁵ Nahallok lagboy ka sikan no mgo boi no nokounduk. Kagi to sika darua no otow to, “Manio to duon now pad ogpammitawa ka manokal kai to pigsabalan to namatoy?

Lukas 24:5 Iomraidhean Croise

Lukas 1:29

Di naaras lagboy si Maria ko nokoy buwa ka kalitukan to innangon ni Gabriel kandin.

Lukas 24:4

Nò, tagood to nigsumansuman dan pad ko noomonu buwa ka lawa ni Hisus, natokow sikandan to darua no otow no nigsasindog kai to longod dan. Ka kinabo to sikan no darua, nigmalayag lagboy.

Lukas 24:6

Si Hisus, warad kai su nootawan on ligkat to pogkamatoy rin. Doromdoma now ka impanoy rin inangon kaniu no dio kow rod to Galilia

Hinimuan 2:24

Di pig–uyag on to Magboboot si Hisus ligkat to kamatayon din su kono man ogkohimu ko kono ogkouyag sikandin.

Hibriu 7:8

Ka mgo talagpanubad no pinanganak ni Libi no ogpakapurut to sikan no igkasampulu no baad to pog-ugpo to mgo otow, otow rod sikandan no songo ogkamatoy. Di si Milkisidik atag no nabogayan ni Abraham to kandin no igkasampulu, ogkoiling to duon dod no waro namatoy su sikan ka ingkasulat dongan tongod kandin.

Impapitow 1:18

Waro kabinunsuran to pogkouyag ku. Namatoy ad nokani di nouyag ad on taman to waro katamanan. No sikanak doka ogpakaboot ko hondoi ku ogpougpaa ka mgo nammatoy. Woy sikanak dod ka duon katondanan to ogpulas to sikan no ugpaan to mgo nammatoy.

Impapitow 2:8

Kagi rin to, “Songo isulat nu ka soini no ipaalap nu dio to suguanon to Magboboot no ogtanudtanud to mgo otow no nigtuu to Magboboot no dio to lunsud to Ismirna. No soini ka igsulat nu, ‘Sikanak ka kabinunsuran woy ka katamanan. Namatoy ad nokani no nouyag ad on taman to waro katamanan.