Lukas 24:36 - Manobo Ata

³⁶ Tagood to nigkagi pad sikandan, natokow sikandan tibo to duon on si Hisus no nigsasindog kai to taliwaro dan no kagi rin kandan to, “Ko kow ogkahallok; ka kalinow, ogduma kaniu.”

Lukas 24:36 Iomraidhean Croise

Markos 16:14

Bali pad naan inkatokow on ka sika sampulu no hibatoon din woy sagboka ki Hisus ko ogkokoon sikandan. Pigsawoy ni Hisus sikandan su makogal so ulu ran to wa nigtuu to sika nakakita kandin to nootawan on.

Lukas 10:5

Ko hondoi no baloy ka ogkalopowan now, kagii now ka mgo tagbanwa to, ‘Kaniu no og-ugpo kai to soin no baloy, ogkohoy-uan kow to Magboboot.’

Huan 14:27

Kono kow ogkasasow woy dokow ogkahallok su ko oghipanow ad on dio to Amoy ku, iggalat ku ka kalinow dio to goinawa now. Kono no ogkounawa to kalinow to mgo kootawan kai to soin no kalibutan; ogligkat koddi ka iggalat ku kaniu no kalinow.”

Huan 16:33

“Nignangonan kow to soini oyow duon maroyow no goinawa now pinabayo to pogkasagboka kow ro koddi. Ogbaybayaran kow to mgo otow no wa nigtuu kai to soin no kalibutan. Di kono kow ogkahallok su naroog kud ka tibo no maroot kai to soin no kalibutan.”

Huan 20:26

Ko natuman ka wawalu no allow, nalimudlimud nighutuk ka mgo hibatoon ni Hisus dio to sagboka no baloy. Duon on si Tomas. Nalokoban on ka baloy di nakarongan do ian si Hisus nigpakita dio to taliwaro dan no kagi rin, “Ogduma kaniu ka kalinow.”

Hinimuan 1:3

Pogkaponga to pogkamatoy ni Hisus woy to pogkouyag din, duon kohop–atan no allow no malasi niglibuwas si Hisus dio to mgo suguanon din. Woy mohon–ing ka hinimuan din no igmalogot to nouyag on ian ka lawa rin ligkat to kamatayon din. Woy malasi innangonnangon ni Hisus kandan ka ogtumanon to Magboboot to pandatuan din.

1 Kurintu 15:5

Nignangon a rod to an-anayan, nigpakita si Hisus ki Pedro woy nohutukan makitoi to duma to sikan no sampulu woy daruwa no mgo suguanon din.

1 Kurintu 15:7

Nighutuk nigpakita si Hisus ki Santiago no hari rin. Woy hutuk man do nigpakita to tibo no suguanon din.

2 Tisalunika 3:16

Ka Lagboy no Igbuyag ta ka ogligkatan to maawang no goinawa ta, no ogbuyu koy to oyow, agad nokoy ka ogkabayaan now, ungod kow rin ogbogayan to sikan no maawang no goinawa now, woy to oyow layun kow rin ogdumaan.

Impapitow 1:4

Kanak no si Huan, ogsulatan ku ka mgo otow no nigtuu to Magboboot no dio to sikan no papitu no mgo lunsud dio to probinsia to Asia. Ogbuyu a to Magboboot oyow ogkohoy-uan kow rin woy to oyow ogkabogayan kow to maawang no goinawa no ogligkat kandin woy to Gimukud din woy ki Hisu Kristu. Agad dongan, woy kuntoon taman to waro katamanan, sikandin do ian ka Magboboot. No ka Gimukud din no ungod og-ugpo dio to tangkaan din, papitu ka igpohitaga to kabogbogan din. Si Hisu Kristu, ian ka ogkasaligan ta to ogmalogot to ignangonnangon din. No sikandin ka an-anayan no ligkat to kamatayon no nouyag on to waro katamanan. Woy sikandin dod ka ogpakaboot to tibo no mgo labow no datu no kai to soini no tano. Dakol ka goinawa rin kanta su niglipuwasan ki nikandin to mgo salo tanow su ligkat to pogkamatoy rin dio to krus.