Lukas 23:5 - Manobo Ata

⁵ Di nabaghot nasi to mgo otow to ogkagi to, “Ogsamukon din ogsasawon ka mgo otow to ig-anad din dio to agad hondoi to soini no Probinsia to Hudia. Dio nigbunsud nignangonnangon to mgo otow no taga Galilia taman to kaid on ian to kanta no ugpaan.”

Lukas 23:5 Iomraidhean Croise

Matiu 11:1

To napongan ni Hisus to nig-anad to sikan no mgo hibatoon din no sampulu woy darua, nighipanow on no nighondio to duma no marani no mgo lunsud oyow og-anad woy ogwali dio to mgo otow.

Matiu 2:1

No, in-anak on si Hisus dio to Bitlihim no lunsud to probinsia to Hudia to si Hirodis pad ka labow no igbuyag. No, kono no kalugoy no nokouma dio to Hirusalim no mgo otow no mamimituon. Ligkat sikandan dio to mariu no ugpaan to ogsilaan to allow. Pogkouma to mgo otow no mamimituon dio to dakol no lunsud to Hirusalim,

Matiu 27:24

Sikan ian no natagaan ni Pilatu no wa pulus to innangon din, su nataga on to ogsasamuk ka mgo otow. Omunaan no nigkuo sikandin to woig woy nigpanhugas dio to tangkaan to mgo otow no kagi rin, “Warad labot ku ko ogkamatoy sikandin; kaniu ka ogboboot.”

Matiu 4:23

Niglogoblogob ni Hisus ka tibo no mgo lunsud to Galilia no og-anad duon to mgo anaranan to mgo og-ampu. Nignangonnangon sikandin to mgo otow to Maroyow no Nangnangonon bahin to Pogsugu to Magboboot kai to soin no kalibutan woy nigbawian din ka mohon-ing no loinloin no dalu duon to mgo otow.

Markos 1:14

To pogkapirisu ni Huan, nighondio to probinsia to Galilia si Hisus no dio din nangoni ka mgo otow bahin to Maroyow no Nangnangonon puun to Magboboot.

Lukas 11:53

Nighipanow on si Hisus ligkat to sikan no baloy to Parisiu. Di ka mgo Parisiu woy mgo talag-anad to Balaod to mgo Hudiu, nigsawoy ran si Hisus. Sikan ka pogbunsud dan to oglibonglibong og-inso ki Hisus to agad nokoy ka duon to goinawa ran su ogtalapon dan poron si Hisus oyow ogpakasuwoy poron ka igtabak kandan no oghimuon poron no igbayung dan kandin.

Lukas 23:23

Di nigparagas sikandan nigbabansagon to ogpohimatayan si Hisus dio to krus. Bali naan naroog ka kagi no igkoiniat poron ni Pilatu.

Lukas 23:6

Pogdinog ni Pilatu to sikan no kagi to mgo taga Hudia, nig-inso din to, “Taga Galilia ka soin no lukos?”

Huan 1:43

Ka sunud no allow, nigboboot si Hisus to oghondio to Galilia. Nigtagbu rin si Pilipi no nigkagi to, “Usi, duma ka koddi.”

Huan 19:15

Nigbabansagon kandan to pogtabak dan to, “Himatayi now; ipalansang nu dio to krus.” Nig-inso si Pilatu, “Ogpohimatayan ku ka kaniu no Labow no Igbuyag?” Nigtabak ka mgo igbuyag to talagpanubad. Kagi, “Warad duma no labow no igbuyag noy. Si Sisar do ka labow no igbuyag noy.”

Huan 2:11

Ko nigbalig ni Hisus ka sikan no woig no nohimu to inumanon dio to lunsud to Kana no sakup to Galilia, sikan ian ka an-anayan no igkabolongbolong no pighimu rin. Nigpapitow on si Hisus to kabogbogan din. Nò, nohogot on ka pogtuu to mgo hibatoon din kandin.

Huan 7:41

Kagi to duma, “Soini ian ka Im-imanan to mgo Koot-otawan.” Di nigtabak ka duma no kagi ran, “Wa mogligkat dio to Galilia ka Im-imanan ta.

Huan 7:52

Nig-inso ka mgo duma rin no igbuyag to, “Agad sikoykow, taga Galilia ka? Basa ka to Tahan no Kasulatan ta oyow ogkataga ka to waro isulat to Galilia ka ogligkatan to agad sagboka no talagnangon to kagi to Magboboot.”

Hinimuan 10:37

Ka soini no nangnangonon tongod ki Hisus, dio pad hunnoi nangnangoni to probinsia to Galilia ko napongaan ni Huan ka kandin no nangnangonon to mgo otow no nigbautismuan din dio to woig. Pogkaponga, nakalogoblogob on dio to agad hondoi to ugpaan to probinsia to Hudia.

Hinimuan 23:10

No natimtimulan on ka pogmaap–apuloy ran no inat to ogmoog–ogotoy on ka mgo pogbuyagon. No sikan ian to nigsugu to igbuyag to mgo sundalu oyow og–awoon dan on si Pablo su kakuwo to oghigbithigbiton dan on. No impalibong din on si Pablo dio to baloy to mgo sundalu.

Hinimuan 5:33

Pogdinog to mgo pogbuyagon to sikan no intabak to mgo suguanon ni Hisus, nabolu lagboy sikandan no oghimatayan dan on poron.

Hinimuan 7:54

Nò, ka mgo pogbuyagon to mgo Hudiu, pogdinog dan to sikan no intabak ni Istiban, nigkakagot ka ngipon dan su lagboy on ian no nabolu kandin.

Hinimuan 7:57

Pogdinog to mgo otow to kagi ni Istiban, nigngangang on. No pigpanagpong dan ka talinga ran no tibo sikandan nigtinagpo dio ki Istiban.