Lukas 22:44 - Manobo Ata

⁴⁴ Di ko masakit lagboy so goinawa ni Hisus, nigpoomot sikandin to nig-ampu pad man do to hogot no pog-ampu din no niglimusongan on kandin. Ka pogpitow ta to limusong din, ogko-unawa to langosa su dakol ka tulu no ogdaragakdak on dio to tano.

Lukas 22:44 Iomraidhean Croise

Lukas 22:45

Pogkaponga ni Hisus to pog-ampu din, nigsasindog on woy nighondio to mgo hibatoon din, di nigkita ni Hisus to nohirogo on sikandan su ian dan igkohirogo su malotoy so goinawa ran su ogmasakit on ian.

Huan 12:27

“Kuntoon, ogmamasakit so goinawa ku. Nokoy buwa ka ogbuyuon ku? Ogbuyu a buwa to, ‘Amo, kono ka ogbogoy to ogkoumaan a to soin no igkabaybayari ku.’ Di kona ad ogbuyu to sikan su ka igkoirapi ku ka tuud ku to oghondini to soin no kalibutan.

Ruma 8:32

Ian su waro mannuguni to Magboboot ka lagboy no Anak din no si Hisu Kristu, di imbogoy rin on to oyow ogkamatoy no ogtobus kanta. Sikan ian, nataga ki to ogbogayan din sikanta to tibo no innangon din.

Hibriu 5:7

Nò to kai pad si Hisus to soini no tano, nigpaagbotan din to nig-uwang to goinawa rin woy nigsinogow ka nig-ampu dio to Magboboot su ka Magboboot doka duon kabogbogan no litos to ogpangabang porom kandin oyow kono ogkamatoy. No nigpamminog ka Magboboot ki Hisus su dakol ka pogtahud ni Hisus kandin.