Lukas 20:34 - Manobo Ata

³⁴ Di kagi ni Hisus kuwo to mgo Sadusiu to, “Ka mgo lukos mgo boi kuntoon no kai pad to tano, ogmaas-asawooy pad.

Lukas 20:34 Iomraidhean Croise

Matiu 12:32

Ka otow no ogdoot to Kakoy to Koot-otawan kai to tano, ogpasayluon to Magboboot. Di ka otow no ogsumpaliton din ka Gimukud to Magboboot, kono sikandin ogpasayluon taman to taman.”

Lukas 16:8

“No, ka sikan no igbuyag to sikan no sinaligan, agad maroot ka batasan to sikan no sinaligan din, nakasayo ka igbuyag din kandin su ogkatou ka sinaligan din to oghimu to pogpanagana to pog-ugpo din.” Kagi ni Hisus, “Ka mgo otow no waro pogtahud dan to Magboboot, sikan ka moiria no ogkatou to oghimu to panagana to pog-ugpo dan, di ka mgo otow no ogtahud to Magboboot, kono amana no moiria ko tongod to igpanagana ran litos to kandan no pog-ugpo uromo no dio to Langit.”

Lukas 17:27

Nigparagas nigkokoon, nig-iinum, woy nigmaas-asawooy ka mgo lukos woy ka mgo boi hantod to allow no nigsolod on woy si Noi to arka, no noumaan on sikandan to woig no niglon-ok no tibo nalonod ka mgo otow no waro nigsakoy ki Noi.”

Lukas 20:33

“Nò, ian ig-inso noy koykow, ko uromo no ogkootawan on ka mgo nammatoy, hontow dapit to sika papitu no patalahari ka asawa to sikan no boi su natibo man nokogsoipsoip nig-asawa kandin ko dini pad to soin no kalibutan?”

Episu 5:31

No sikan ian to duon ingkasulat to kinagian to Magboboot to: “Omunaan to og-awoson to, ka lukos, ogluwat to inoy rin woy to amoy rin no ogkasagboka on to asawa rin. No ka sikan no daruwa, ogkohimu on no sagboka ro no lawa.”

Hibriu 13:4

Mataltahuroy ki tibo to pogpaas-asawooy ta no kono ta oghilaboti ka loin. Ian su ka Magboboot, oglogparan din ka sikan no otow no oghilabot to kono no asawa rin.