Lukas 20:17 - Manobo Ata

¹⁷ Di nigtongtongan ni Hisus ka mgo otow no nig-inso din sikandan to, “Nokoy naan ka kalitukan to ingkasulat dongan to kagi to Magboboot? Soini ka impasulat din: ‘Ka sikan no batu no nig-ongkoran to mgo talaghimu to baloy, sikan ka nohimu nasi marigon lagboy no batu no igpounturan to baloy.’ ”

Lukas 20:17 Iomraidhean Croise

Matiu 21:42

Nigkagian ni Hisus ka mgo otow to, “Og-insa a ko waro kow makabasa to impasulat to Magboboot? Soini ka kagi to impasulat din: ‘Ka batu no nig-ongkoran to mgo talaghimu to baloy su nahan dan no waro pulus to sikan no batu, sikan ka nohimu nasi no marigon lagboy no batu no igpounturan to baloy. Ka Magboboot ka nigboot to sikan no batu no nahan dan no waro pulus. Nabolongbolong ki to soini.’

Markos 10:23

Ko niglingi si Hisus to mgo hibatoon din, nigkagi to, “Mohirap ian to mgo otow no datu oyow ogpasakup to Pogsugu to Magboboot.”

Markos 12:10

Nigparagas si Hisus no nig-inso, “Hontow kaniu ka waro buwa makabasa to impasulat to Magboboot? Waro buwa!” Soini ka kagi to impasulat din “Ka batu no nig-ongkoran to mgo talaghimu to baloy su nahan dan no waro pulus, sikan ka nohimu nasi no marigon lagboy no batu no igpounturan to baloy.

Markos 3:5

Nabolu si Hisus tagaod no namitowpitow kandan no ogmasakit lagboy ka goinawa rin di songo nohoy-uan din do sikandan su makogal so ulu ran. No, kagi ni Hisus to sikan no lukos, “Kotonga nu ka bolad nu.” Ko nigkotong on, nabawian on no nokog-unawa on to limang no bolad din.

Lukas 19:41

To marani on si Hisus to lunsud to Hirusalim no nigkita rin on, nakasinogow on sikandin

Lukas 22:37

Ian su og-awoson to ogkatuman ka sikan no impasulat to Magboboot bahin koddi. Soini ka impasulat din, ‘Inlagkos sikandin to mgo makasasalo.’ ” Kagi ni Hisus, “Ka sikan no ingkasulat dongan bahin koddi, ogbunsud on ogkatuman.”

Lukas 22:61

Niglingi si Hisus no nigpitow ki Pedro no naroromdom ni Pedro to impanoy innangon to igbuyag din kandin to nigkagi si Hisus kandin to, “Woy og-ukalo ka manuk ko magaan ogkapawo katatolu nud ignangon to waro ka mogtilala koddi.”

Lukas 24:44

Pogkaponga, kagi ni Hisus kandan, “To kai a pad to kaniu, impanoy ku man inangon kaniu to awos to ogkatuman ka tibo no ingkasulat to Balaod ni Moisis dongan bahin koddi lagkos to ingkasulat dongan to duma no mgo talagnangon to kagi to Magboboot, lagkos to tibo no ingkasulat ni Dabid dio to sinulat no Mga Salmo.”

Huan 15:25

Dokad di nakatood soini su oyow ogkatuman ka nasulat to Tahan no Kasulatan ran bahin koddi. Kagi, ‘Nasundug a agad waro nighimu ku kandan.’ ”

Hinimuan 4:11

Si Hisus dod ka intuon dongan to mgo talagnangon to kagi to Magboboot to innangon dan to duon batu no og-ongkoran on nikaniu no mgo talaghimu to baloy. Di sikan dod ian ka batu no pig–alam to Magboboot. No ian ka nohimu no unturanan to baloy su si Hisus, ian ka nohimu on no Talagpangabang to mgo salo ta. Ian su agad hondoi ka ogpakarolog, waro dangob no ngaran no litos to ogkasampit to mgo otow ko kono no si Hisus do ian ka ogpakapangabang kanta no makasasalo.”

Episu 2:20

Sikanta no nigtuu ki Hisus, ian ta ogkounawaan ka oghimuon no baloy no igpasasindog to Magboboot dio to batu. No si Hisu Kristu, ian ka batu no ogpabunsuran to mgo suloy. No ka mgo suguanon ni Hisus woy ka mgo talagnangon to kagi to Magboboot, ian ogkounawaan ka mgo suloy.

1 Pedro 2:6

Ian su duon kagi to Magboboot dio to Tahan no Kasulatan to, “Duon Otow no nig-alam ku no ian ogkounawaan ka mahal no batu. Igsabuk ku sikandin dio to lunsud to Sion. Ogkounawa sikandin to makogal no batu no ogpounturan to baloy. Agad hontow no ogsalig kandin, kono ogkasipod.”