Lukas 2:7 - Manobo Ata

⁷ Nig-anak on sikandin to lukos no ian panganoy rin. Nigbukusan din ka bato to manggad no dio din ipohibat to koonanan to ayam. Ian nokohonduon sikandan su warad on moolog sikandan to ugpaanan to mgo magaliug.

Lukas 2:7 Iomraidhean Croise

Matiu 1:25

Di waro pad huliri ni Husi si Maria taman to nig-anak sikandin. Poglusot on to bato, si Hisus ka inngaran ni Husi.

Matiu 13:55

Anak do sikandin buwa to talaghimu to baloy woy si Maria ka inoy din. Ka mgo hari din si Santiago woy si Husi woy si Simon woy si Hudas.

Matiu 8:20

Nigtabak si Hisus no nigkagi to, “Sulod, ka mgo laku duon ogkougpaan dan woy ka mgo manukmanuk duon salag dan. Di koddi atag no Kakoy to Koot-otawan, waro baloy ku no ogkohibatan ku.”

Lukas 10:34

Nigdanian din ka napalian no nigtambalan din on ka mgo pali din to lana woy bino, no nigbukusan din on ka mgo pali din. Pogkaponga, nigpountud din ka napalian to asno rin no nigtuyuk din on taman to nokouma on dio to datonganan to magaliug no baloy no ogbayaran. Nigpouyamu rin pad ka napalian.

Lukas 2:6

To diad on to Bitlihim sikandan, no natuman on ian ka ig-anak ni Maria.

Lukas 2:8

Nò, duon mgo talagbantoy to karniru dio to nakamotan no nigmarani to lunsud to Bitlihim no ogbabantoy to mgo ayam dan no karniru ko marusilom.

Huan 1:14

Soin no oghingaran to Kagi, nigpootow woy nig-ugpo kai to kanta to soin no kalibutan. Ogkoy-u lagboy sikandin woy malogot do ian ka kandin no ogpangagion. Nigkita noy ka karayawi rin no ka ogligkatan to sika karayawi ka Magboboot su kandin ka bugtung no Anak to Magboboot.

2 Kurintu 8:9

Nataga kow, mgo sulod, to dakol ka igkohoy-u to Lagboy to Igbuyag ta no si Hisu Kristu, su agad to datu lagboy sikandin dio to Langit di ko nighondiid on to tano, nohimu on no publi. No ka tuud to sikan to oyow ligkat to kandin no ingkapubli, ogkohimu kinow on no datu to pogtuu ta.

Galasia 4:4

Di ko nokouma on ka allow no imboot to Magboboot, impootow rin on ka bugtung no anak din, no kai to boi to soini no kalibutan impaanak. Nig-alam din ka boi no nasakup to sikan no Balaod ni Moisis su oyow ko dakol on ka anak din, ogkabalukas din on ka tibo no songo nasakup to sikan no Balaod oyow ogkohimu on sikandan no anak to Magboboot.