Lukas 2:35 - Manobo Ata

³⁵ Sikan ian ka ogkatagaan ka maroot no doromdom dan no nokoholos to goinawa ran. No sikoykow, Maria, puun to sikan, masakit lagboy so goinawa nu no ogkounawa to magalang no moirob no og-agbas dio to pusung nu,” kagi ni Simion ki Maria.

Lukas 2:35 Iomraidhean Croise

Lukas 2:34

Nigpapulusan ni Simion to Magboboot si Maria alunggun ki Husi no nigkagian ni Simion ka inoy ni Hisus no si Maria to: “Ka soini no bato, ka Magboboot ka nig-alam kandin, oyow oglogpad sikandin to mgo otow no maroot so batasan woy ogpangabangan din ka mgo otow no ogtuu kandin. Ka soin no bato, sikan ka igtuus to Magboboot to ogbohog to mgo otow. Dokad di, mohon-ing ka mgo otow no oghubabo kandin.

Lukas 2:36

No, duon dod songo boi no nabalu no ka ngaran din, si Ana no talagnangon to kagi to Magboboot sikandin. Ian ngaran to amoy rin si Panuil no ka kaap-apuan din, si Asir. Woy nabalu si Ana to papitu pad no tuid to pog-aalunggun dan. Kuntoon, buyag on ian no kawaluan on ka tuid din woy hop-at. Waro moghutuk mog-asawa sikandin no malasi nighondio to Dakol no Ampuanan allow woy karusilom no ogsimboon din ka Magboboot to pog-ampu din woy to poglangkad din no ogkoon.

Huan 19:25

No, marani ro dio to krus ni Hisus ogmanasasindog ka inoy rin, woy ka kakoy to inoy rin, woy si Maria no asawa ni Kliopas, woy si Maria Magdalina.

1 Kurintu 11:19

Songo kuwo buwa ko og-awoson to duon ka sikan no mgo loin no goinawa now oyow ogtokoron ko hontow ka tu-tuu ian no nigtuu ki Hisus.

1 Huan 2:19

Ka sikan no mgo otow, nig-amut kantanow no an-anayan kinow mogtuu, di nan-awo. Sikan ian to natagaan tad to waro nigsulodsulod kanta no nigtuu ki Hisus, su ko tu-tuu pa no nigsulodsulod kanta, nigparagas poron no og-amut kanta, bali to nan-awo on. Ian to nan-awo su og-awoson ta to ogkataga ki to waro ian mogsulodsulod kanta.