Lukas 2:17 - Manobo Ata

¹⁷ No to nakitaan dan on, nignangonnangon on to tibo no kagi to mgo diwata kandan bahin to soini no bato no si Hisus,

Lukas 2:17 Iomraidhean Croise

Lukas 2:16

Sikan ian no nig-agpas on nangipanow ka sikan no mgo talagbantoy to ayam no waro malugoy no nokouma sikandan no nigkita ran on si Maria woy si Husi woy songo nigkita ran ka bato no si Hisus no nigpohibat dio to koonanan to ayam.

Lukas 2:18

no agad hontow no nakarinog to innangon kandan to mgo talagbantoy to karniru, nabolongbolong.

Lukas 2:38

To ogkagi pad si Simion ki Maria dio to solod to Ampuanan, niglopow on si Ana dio to kandan no nigpasalamatan din on ka Magboboot. Nò, nignangon sikandin bahin to soini no bato dio to tibo no nakitaan din no mgo otow no oglayun sikandan og-iman-iman ko kon-u ogpangabangi to Magboboot ka mgo taga Hirusalim.

Lukas 8:39

Di waro dumaa ni Hisus. Pinohipanow on ni Hisus ka otow to kagi rin to, “Uli kad on dio to ugpaan now no ipamatbat nu dio to mgo otow to dakol ka kohoy-u to Magboboot koykow.” Ka otow no pigbusawan no nabawian on, nighipanow on no nignangnangonan din ka tibo no mgo otow dio to lunsud din to tibo ka pighimu ni Hisus kandin.