Lukas 2:13 - Manobo Ata

¹³ Natokow on no nigmohon-ing on lagboy ka mgo diwata no suguanon to Magboboot. Kandan, dio nigpuun to Langit no nigdalapak on to sikan no nokohun-a no diwata no nigkakanta to pogsasayo dan to Magboboot.

Lukas 2:13 Iomraidhean Croise

Lukas 15:10

“Unawa to narago ka sikan no boi no nigkita to salapi din, songo dakol man ka igkarago to mgo diwata no suguanon to Magboboot no dio to Langit ko duon agad sagboka no makasasalo no otow no og-ongkod to mgo salo din.”

Lukas 2:12

No sikan ka ogtokoron now kandin su ogkitoon now ka bato no nigbukusan to manggad no dio ipohibat to koonanan to mgo ayam,” kagi to diwata.

Lukas 2:14

Kagi ran, “Dakol ka pogsayo ta to Magboboot dio to Langit, woy kai to tano, ogmaawang on so goinawa to mgo otow no ogkohoy-uan din.”

Episu 3:10

No kuntoon, ogkoiniatan din to oyow, ka agad hontow no mabogbog no og-ugpo dio to agad hondoi to Langit, tibo ogkataga to ogkatou lagboy ka Magboboot to agad nokoy no oghimuon din. No ian to ogkataga sikandan su ogligkat to mgo otow no nigtuu on ki Hisus.

1 Timoteo 3:16

su tibo kinow nataga to maroyow lagboy ka impohitaga to Magboboot kanta tongod to soini no tu-tuu ian no tinuuan ta to: Nigpokootow si Hisu Kristu no nigligkat dio to Magboboot. Woy immalogot to Gimukud to Magboboot to maroyow on ian si Hisu Kristu. Nakitaan si Hisus to mgo diwata to Magboboot. Woy innangonnangon on sikandin dio to mgo otow no kono no Hudiu. Woy duon on mgo otow no nigtuu on kandin kai to tano. Woy nigbatun on sikandin dio to langit.

Hibriu 1:14

Nokoy naan ka mgo diwata no suguanon din? Ka lawa ran, ogkoiling to mgo gimukud no kono ogkakitaan. Di talagbulig sikandan to Magboboot no ogsuguon din dio to sikan no mgo otow no ogtuu on kandin to oyow ogkapangabangan on to mgo salo dan.

1 Pedro 1:12

Di nigpohitagaan to Magboboot ka mgo talagnangon to kagi rin to kono no sikandan ka ogkabuligan to sikan no innangon dan dongan, di sikanta kuntoon ka ogkabuligan. No ka sikan no impanoy ran inangon, songo ingkanangon on kuntoon su duon mgo otow no nigsugu to Magboboot oyow ogkanangonan kow to soini no Maroyow no Nangnangonon tongod ki Hisu Kristu. No ka Gimukud to Magboboot no nigligkat to Langit ka nigpohitaga kandan ko nokoy ka igkanangonnangon dan. No ka mgo diwata to Magboboot, songo ogkoiniat no ogpakasabut poron sikandan to sikan no ignangonnangon dan.

Impapitow 5:11

Nò, pogpitow ku man do, narinog ku ka maagbot no mgo lagong to pila buwa no malan no malan no mgo diwata to Magboboot. No kono man ogkasool. No nanlingutlingut sikandan to sikan no nigpinpinnuuan to Lagboy no Igbuyag woy to sikan no hop-at no mgo hinimu woy to sikan no mgo pogbuyagon.