Lukas 19:6 - Manobo Ata

⁶ Sikan ian no nig-agpas ian si Sakiu no namanoug. To pogkouma ran to baloy, narago si Sakiu no pinasolod din on si Hisus to baloy rin.

Lukas 19:6 Iomraidhean Croise

Lukas 19:5

To nokouma si Hisus to longod to sikan no kayu, niglonghag din no kagi rin to, “Sakiu, agpas ka pamanoug su og-awoson to dio a ogdatong to baloy nu kuntoon no allow.”

Lukas 19:7

To pogkita to mgo otow no dio niglopow si Hisus to baloy ni Sakiu, nigmugongmugong ka mgo otow no kagi ran to, “Dio atag nigdatong si Hisus to baloy to otow no makasasalo.”

Lukas 2:16

Sikan ian no nig-agpas on nangipanow ka sikan no mgo talagbantoy to ayam no waro malugoy no nokouma sikandan no nigkita ran on si Maria woy si Husi woy songo nigkita ran ka bato no si Hisus no nigpohibat dio to koonanan to ayam.

Lukas 5:29

Nò, nighimu si Libi to dakol no pagkoonan dio to baloy rin oyow woy ki Hisus. Mohon-ing ka mgo talagkubla to buhis no nig-amut to pagkoonan, woy duon dod duma no mgo otow no nig-amut no nigkoon.

Hinimuan 16:15

Woy nigpabautismu on si Lidia lagkos to mgo otow dio to baloy rin. Pogkaponga, duon kagi ni Lidia no ogbuyu to ogpougpoon koy to baloy rin. Kagi rin to, “Ko waro pogduwaruwa now to pogtuu ku to Lagboy no Igbuyag ta no si Hisus, pamaniok kow on woy ugpo kow pad kai to baloy ku.” Sikan ian no namanoik koy on ian no dio koy pad nig–ugpo su noim–imuan koy ian ni Lidia.

Hinimuan 16:34

Pogkaponga, nigpapanoik din on woy si Pablo to baloy rin woy nigpakoon din on sikandan. No ka talagbantoy to pirisuan woy ka tibo no mgo duma rin no duon to baloy rin, narago lagboy su nigtuu on to Magboboot.

Hinimuan 2:41

Sikan ian to, ka mgo otow no nigtuu to innangonnangon ni Pedro, nigpabautismu on. No to sikan do no allow, duon buwa tatolu no malan no mgo otow ka nigtuu ki Hisus no nokogdumaruma on to mgo otow no tahan on no nigtuu.