Lukas 19:5 - Manobo Ata

⁵ To nokouma si Hisus to longod to sikan no kayu, niglonghag din no kagi rin to, “Sakiu, agpas ka pamanoug su og-awoson to dio a ogdatong to baloy nu kuntoon no allow.”

Lukas 19:5 Iomraidhean Croise

Lukas 19:10

Koddi no Kakoy to mgo koot-otawan kai to kalibutan, nighondini ad to tano to oyow ogpamanghoon ku ka mgo otow no nalagak su oyow ogkalipuwasan ku sikandan oyow ogkaawo ka mgo salo dan.”

Lukas 19:2

No, duon sagboka no otow dio no ian igbuyag to mgo talagkubla to buhis no ian ngaran din, si Sakiu, no datu ian sikandin.

Lukas 19:4

Sikan ian no nigpallaguy si Sakiu diad to kohun-aan to mgo otow no namanoik on to kayu no oghingaranan to sikumoru su oyow ogkaayun no ogpitow ki Hisus su dio ian ogpakabayo si Hisus ko ogligad.

Lukas 19:6

Sikan ian no nig-agpas ian si Sakiu no namanoug. To pogkouma ran to baloy, narago si Sakiu no pinasolod din on si Hisus to baloy rin.

Huan 1:48

Noinuinu si Natanial no nigkagi sikandin. Kagi rin, “Manio to ogtokoron a nu?” Nigtabak si Hisus no kagi rin, “Ko dio ka pad to lobut to kayu no igira no ogholong ka pad no waro ka pad umawa ni Pilipi, nigkita kud sikoykow.”

Huan 14:23

Nigtabak si Hisus, “Sikan no mgo otow no dakol so goinawa ran koddi, ogtumanon dan ka ig-anad ku. Ko ogtumanon dan, dakol so goinawa to Amoy ku kandan. No, kanami no darua to Amoy ku, og-ugpo koy dio to kandan.

2 Kurintu 6:1

Nò, su nohimu koy on no talagbulig to Magboboot, duon ogbuyuon noy kaniu no nabogayan on to ingkohoy-u to Magboboot. No ian noy igbuyu to oyow kono now ogdaaton ka sikan no ingkohoy-u rin kaniu.

Episu 3:17

Woy songo og-ampu a to oyow, ligkat to nigtuu kow ki Kristu, nigpataliwaro on sikandin to goinawa now. Ian su oyow ogmanokal woy ogkatimulon ka goinawa now to mgo otow woy ka Magboboot. No ian ogkounawaan ka kayu no kono ogkawoil su og-ugsob ka dalig din dio to tano. No ogbuyu a

Hibriu 13:2

Kono now ogkalingawi to ogsagman to mgo magaliug no ogpokouma dio to ugpaan now su duon mgo otow no nakasagman to magaliug no waro matagoi di diwata naan to Magboboot ka nigsagman dan.

Impapitow 3:20

Pamminog kow! Ian ku ogkounawaan ka otow no ogsasindog to gumawan no og-umow oyow ogpapulasan. Ko duon otow no ogdinog to pog-umow ku no ogpulasan a rin, ogsolod a to kandin no baloy woy og-amut a kandin to ogkoon.