Lukas 19:44 - Manobo Ata

⁴⁴ Ogguguson to malogot ka mgo alad now no batu, no ka mgo batu, warad ogkagalat agad sagboka no batu dio to nasabukan to soini. Tibo ogkoubus ka baloy now woy ka mgo otow to soini no ugpaan now, su waro now tokora sikandin to nighondini to kaniu oyow ogpakalipuas kaniu.” Ian ka kagi ni Hisus to nakasinogow.

Lukas 19:44 Iomraidhean Croise

Matiu 24:2

Di nigtabak si Hisus kandan to, “Hoo, pitow kow to tibo soini no mgo baloy. Malogot ka ignangon ku kaniu no uromo, waro agad sagboka no batu no ogkagalat kai to nasabukan din. Ogkatobal ka tibo.

Markos 13:2

Nigtabak si Hisus kandan to, “Pitow kow kuntoon to soin no mgo baloy no dakol kai to Dakol no Ampuanan. Ogkagulak uromo ka tibo no soini no mgo baloy no waro ogkagalat agad sagboka no batu duon to nasabukan din; ogkatobal ka tibo.”

Lukas 1:68

“Ogsayoon ta ka Lagboy no Igbuyag no kandin ka Magboboot to kapunganan ni Israil su sikandin ka nigbulig to mgo otow no sakup din no nigpalibuwas din sikandan no uripon to mgo salo dan.

Lukas 1:78

dakol ka igkohoy-u to Magboboot kanta. Nò, igpaalap din no ligkat dio to langit no Talagpangabang kanta to salo ta. Ogkounawa sikandin to allow no ogsilo ko masolom su ogkabat-awan ka dalan to mgo otow no ogpokougpo to marusilom woy magaan on poron ogkamatoy. Ko ogpokouma on, og-anaran ki ko hondoi dapit ka dalan ta oyow ogmaawang ka goinawa ta.” Sikan do ka kagi no impakagi to Gimukud to Magboboot ki Sakarias tongod to anak din no si Huan.

Lukas 19:42

no kagi rin to, “Ko ogkataga kow pa poron ka og-awoson now to oyow ogkabogayan kow on to maroyow no pog-ugpo, di kuntoon, noholosan kow to dalan now dio to maroyow no pog-ugpo now.

Lukas 21:6

“Duon allow uromo no ka soini no ogkitoon now kuntoon, warad ka pokog-ampow-ampow ka mgo batu, agad sagboka. Ogkagulak ka tibo.”

1 Pedro 2:12

Og-awoson ta oyow maroyow ian tibo ka mgo batasan ta to oyow, ka mgo otow no kono ogtuu, ogpakatokod to maroyow ian ka oghimuon ta. Ian su agad ko duon mgo otow no ognangon to maroot ka oghimuon ta, di ogkatagaan dan dod to maroyow atag ka oghimuon ta. No uromo, ogkasayo dan ka Magboboot to allow no oglibong si Hisus no ogboboot to mgo otow kai to kalibutan.