Lukas 19:37 - Manobo Ata

³⁷ Nò. Pogmarani ran to sikan no bubungan to Olibu no ogkapantow to lunsud to Hirusalim, ka tibo no mgo sakup ni Hisus no nigluyudluyud kandin, nigbabansagon kandan to pogsayo dan to Magboboot bahin to tibo no mgo maroyow no hinimuan no nakitaan dan no impohimu to Magboboot ki Hisus.

Lukas 19:37 Iomraidhean Croise

Matiu 21:1

To konon amana no mariu si Hisus mgo hibatoon din to Hirusalim no marani on sikandan to ugpaan to Bitpahi woy marani to sika malopot no bubungan no oghingaranan to Olibu, nigsugu ni Hisus ka darua no hibatoon din to oghun-a kandan.

Markos 13:3

Songo allow ko ogpinpinnuu si Hisus dio to sikan no bubungan no Ulibu no dio nigtangko to Dakol no Ampuanan, nigdalapak dio to longod din si Pedro, si Santiago, si Huan, woy si Andres do; waro loin no duma ran.

Markos 14:26

No, pogsayo dan to Magboboot pinbayo to kanta ran, nanlibuwas on no nanhondio to sikan no bubungan no oghingaranan to Olibu.

Lukas 18:43

Nò, nakakita on woy nigduma on ki Hisus. Ungod din on sayaa ka Magboboot, no ka tibo no mgo otow, pogpitow ran to nabutud no nabawian on, songo nigsayo on sikandan tibo to Magboboot.

Lukas 19:20

“Di duon pad dangob no suguonon din no nokouma no kagi rin to igbuyag din to, ‘Buyag, soinid on ka salapi no ingalat nu dini to koddi. Nig-ay-ayaran ku tongosa to manggad no insabuk kud on.

Lukas 19:29

To nokouma sikandan to marani to mgo lunsud to Bitpahi woy ka Bitania duon to malopot no bubungan no oghingaranan dan to Olibu, nigsugu si Hisus to darua no hibatoon din to oghun-a kandin.

Lukas 19:36

Poghipanow on ka sikan no nati no pigsakayan ni Hisus, igtahud dan ki Hisus, imbolat to mgo otow ka kandan no malayat no kinabo dio to ogbayaan ni Hisus.

Lukas 7:16

No ka tibo no mgo otow no nakakita, dakol ian ka ingkoinuinu ran no nigsayo dan on ka Magboboot to kagi ran to, “Duon nokouma kanta no mabogbog no talagnangon to kagi to Magboboot,” woy kagi ran dod to, “Nighondini ka Magboboot oyow ogpangabangan ki no mgo otow rin.”

Huan 12:18

Nò, sikan ka tuud to ogtagbu ka sikan no mohon-ing no mgo otow ki Hisus su nigdinog to soin no nighimu rin no koin-inuan.