Lukas 19:21 - Manobo Ata

²¹ Insabuk kud on su nahallok a koykow su inat igbuyag ka no waro kohoy-u nu su ogkuon nu ka kono no koykow woy oggaani ka to waro nu isawod.’

Lukas 19:21 Iomraidhean Croise

Lukas 19:20

“Di duon pad dangob no suguonon din no nokouma no kagi rin to igbuyag din to, ‘Buyag, soinid on ka salapi no ingalat nu dini to koddi. Nig-ay-ayaran ku tongosa to manggad no insabuk kud on.

Lukas 19:22

No kagi to igbuyag din to, ‘Ka kagi no niglibuwas to bo-bo nu kuntoon, sikan ka ligkatan to iglogpad ku koykow. Maroot ka no suguonon su nataga ka naan to igbuyag a no wa kohoy-u ku su ogkuon ku ro to konon koddi, woy to oggaani a to waro ku isawod.

Ruma 8:15

Ian su ka Gimukud din no ingkabogoy kanta, waro din ipounawa sikanta to uripon no ogkahallok poron lagboy to tagtuun kandin. Di nighimu kinow rin on atag no mgo anak to Magboboot. No ligkat to sikan, oghingaranan ta sikandin to Amoy ta woy ogkasampit ta sikandin ki, “Amo.”

Ruma 8:7

Di ka otow no layun ogdoromdom ko ogmonuon din to ogtuman to mgo maroot no koiniatan to lawa rin, ogpakaatu sikandin to Magboboot, su kono ogpaagad-agad to Balaod din. No kono do no sikan do su agad ko ogpaagad-agad poron, kono ogkohimu.

2 Timoteo 1:7

Ian su ka Gimukud to Magboboot no ingkabogoy rin kanta, kono ogbogoy kanta to goinawa ta no magaan ogkahallok, di ogbogayan ki rin to kabogbogan woy ka dakol no goinawa ta to duma ta woy to oyow ogkaponod ta ka goinawa ta.

Santiago 2:10

su ko duon otow no ogpakatuman to tibo no Balaod to Magboboot di ogpakasalo to agad sagboka ro, ogkounawa rod ko nalop-ang din ka tibo.

1 Huan 4:18

Ko dakol ka goinawa ta to Magboboot, kono kid ogkahallok kandin, su ko ogkatibulus on ka goinawa ta kandin, ogkaawo on ka igkahallok ta. Ko duon otow no ogkahallok dod to Magboboot, waro pad natibulus ka goinawa rin to Magboboot woy waro pad makasabut ko songo monu karakol ka goinawa to Magboboot kandin, su duon dod ka igkahallok din ko ogkalogparan dod buwa sikandin.

Hudas 1:15

su ogbobootan din on ka tibo no mgo otow. No oglogparan din on ka tibo no mgo otow no kono ogtaud kandin tongod to tibo no nanhimu ran no maroot woy ka mgo impandoot dan kandin.”