Lukas 18:28 - Manobo Ata

²⁸ Kagi ni Pedro to, “Buyag, nig-ongkoran noy ka mgo baloy noy no nigdumaruma koy on koykow.”

Lukas 18:28 Iomraidhean Croise

Matiu 19:27

Nò, nigkagi si Pedro to, “Buyag, nig-ongkoran noy on ka tibo oyow ogdumaruma koy koykow. Nokoy ka igbogoy to Magboboot kanami?”

Matiu 9:9

Nò nighipanow on si Hisus. Dio to nigbayaan din, nigkita rin ka sagboka no talagkubla to buhis no nighingaranan ki Matiu no nigpinpinnuu dio to opisina rin to bayaranan to otow to buhis dan. Kagi ni Hisus kandin to, “Duma ka koddi, ogsakupon ku sikoykow.” Nigsasindog si Matiu woy nigduma on ki Hisus.

Markos 10:28

Nò, nig-uwang ni Pedro no kagi rin, “Buyag, nig-ongkod koy on to tibo woy nigdumaruma koy koykow.”

Lukas 5:11

Nò, pogduung dan on to mgo balutu ran, piggalat dan on ka mgo balutu woy tibo no nakatagu no nigluyud on ki Hisus.

Huan 19:27

Woy nigkagian din ka sikan no hibatoon din to, “Usi, sikandin on ka inoy nu.” Nò man, nigpakiino sikandin no dio on to kandin nig-ugpo ka inoy ni Hisus.

Pilipus 3:7

Dokad di, ka tibo soini no napulusan ku nokani, ogdoromdomon ku kuntoon no waro pulus su oyow si Kristu ka igkaliwan ku.