Lukas 17:29 - Manobo Ata

²⁹ To sika no allow no nig-awo on si Lot to sikan no lunsud to Suduma, namatoy on ka tibo no mgo otow dio to ugpaan to Suduma su nigpouranan to Magboboot ka ugpaan dan to hapuy mgo batu no asupri no niglogdog no nigligkat to langit.”

Lukas 17:29 Iomraidhean Croise

Lukas 17:28

Songo kagi ni Hisus, “Ka batasan to mgo otow ko oglibong a kai to tano uromo, songo ogkounawa rod to batasan to mgo otow dongan to mgo allow pad ni Lot. Nigkokoon, nig-iinum, lagkos to mgo ogbolion dan woy ka mgo baligya dan. Nigpapamula sikandan woy nanhimu to mgo baloy.

Lukas 17:30

“Ogkounawa rod ka batasan to mgo otow to sikan no allow no ogpakitoon a no Kakoy to Koot-otawan,” kagi ni Hisus,

2 Pedro 2:6

No ka mgo taga Suduma woy ka mgo taga Gumura no makasasalo, songo nanlogparan on dongan to Magboboot no nigbobootan din oyow ogkoubus sikandan ogkamatoy to hapuy no impasilab din to mgo ugpaan dan. No sikan ka ingkabohog din to duma no mgo otow no kono ogpaagad-agad to Magboboot.

Hudas 1:7

Woy ogdomdomon ta ka mgo otow no dio to dakol no mgo lunsud to Suduma woy ka Gumura woy ka dio to mgo lunsud no marani kandan. Ian su songo noiling dod ka batasan dan to sikan no mgo diwata no makasasalo su maroot lagboy ka nanhimu to sikan no mgo otow. No agad lukos to boi, noiniatan dan ka kono no tahan no litos ta su nigmool-olinoy on ka mgo lukos to ogpanhilabot woy songo ogmool-olinoy ka mgo boi. Sikan ian to niglogparan sikandan to Magboboot dio to hapuy. No ka sikan, ogkohimu on no igbohog din to tibo no mgo otow no ogkalogparan din uromo to hapuy no kono ogkoobukan to waro katamanan.

Impapitow 11:8

Ka lawa to sikan no daruwa no nammatoy, nakatuus do duon to kalasara to sikan no dakol no lunsud. No dongan, dio ilansang ka Lagboy no Igbuyag ta to krus. Woy ian dod ka lunsud no songo ogpanag-iling to Suduma woy ko Ehipto.

Impapitow 14:10

ogdagsangan sikandan to dakol no igkabolu to Magboboot. No ka sikan no iglogpad, kono ogpakasolug to kohoy-u to Magboboot. Di duon do ian to pogpitow ni Hisu Kristu no oghingaranan to Nati no Karniru, woy to pogpitow to mgo diwata to Magboboot, ogkabaybayaran lagboy sikandan dio to hapuy to asupri no ogliabliab.

Impapitow 19:20

Di narakop on ka sikan no magintalunan woy ka ubaton no ian talagnangon to kinagian din no nighimu to mgo kabolongbolonganan dio to tangkaan to sikan no magintalunan. No ka sikan no kabolbolonganan, ian din impanggawoy to sikan no mgo otow no nigpangotoban to ngaran to sikan no magintalunan woy ka nigsimba to inotow-otow rin. Nò, to manokal pad sikandan, igdogpak sikandan dio to ogliabliab no hapuy no asupri.