Lukas 17:1 - Manobo Ata

¹ Kagi ni Hisus to mgo hibatoon din, “Malogot to ungod duon mgo pogtintal no ian ka ligkatan to igpakasalo to mgo otow. Di koy-u ka sikan no otow no ogmatood no ogpasaloon din ka duma rin

Lukas 17:1 Iomraidhean Croise

Matiu 16:23

Nigtangko si Hisus ki Pedro no kagi rin ki Pedro to, “Awo ka kai to longod ku. Ogkounawa ka kagi nu to kagi ni Satanas no ogpakabalabag to koddi no dalan su, waro mogpuun to Magboboot ka pogdoromdom nu; nigpuun do to goinawa to mgo kootawan.”

Matiu 18:7

Ogkohoy-uan do ian ka tibo no mgo otow to soin no kalibutan to duon mgo ogpasaligkat kandan to pogtuu ran koddi. Tahan do ian to ogkoumaan kow to mgo igtintal to pogtuu now di koid-uan ian ka agad hontow no ligkatan to mgo igpasaligkat.

Lukas 16:31

Di nigtabak man do si Abraham to, ‘Ko kono dan ogpamminogan ka kagi ni Moisis woy ka ingkasulat dongan to mgo talagnangon to kagi to Magboboot, songo kono dan ogtuu agad ko duon otow no ogkootawan on no ogligkat to mgo nammatoy.’ Sikan ian ka tabak ni Abraham” kagi ni Hisus.

Ruma 14:13

Nò, sikan ian, og-awoson no oghagtong ki no ogsamili to duma ta ko loin ka pogtuman din to pogtuu rin. Di ian ta og-awoson to oyow ogtuud ki to oyow waro oghimuon ta no ogpakapasuwoy to duma ta no nigtuu.

Ruma 16:17

Mgo sulod, ogparoromdom ku sikaniu to oyow ogdoroyow kow. Indani now ko hondoi longod no mgo otow ka oghimu to samuk woy ka ogpasuwoy to pogtuu to duma ran, woy ka og-atu to tu-tuu ian no nangnangonon no ingkaanad kaniu. Kono kow ogdumaruma to sikan no mgo otow,

1 Kurintu 10:32

Sikan ian, kono ki oghimu to agad nokoy no ogpakaatang to pogtuu to agad hontow, ko Hudiu, woy ko kono, woy ko mgo duma ta no ogtuu no nigpasakup to Magboboot.

1 Kurintu 11:19

Songo kuwo buwa ko og-awoson to duon ka sikan no mgo loin no goinawa now oyow ogtokoron ko hontow ka tu-tuu ian no nigtuu ki Hisus.

1 Kurintu 8:13

Sikan ian, soini ka goinawa ku. Ko duon sulod ku to pogtuu no ogpakasalo on su ligkat to ogkitoon a rin to ogkoon a to ingkatubad to inotow-otow, kono ad on oghutuk no ogkoon to sikan su oyow kono a ogpakapasalo to duma ku no nigtuu.

1 Timoteo 4:1

Pig-utasi to Gimukud to Magboboot impohitaga to uromo, duon mgo otow no og-iniug to pogtuu ran no ogpamminogan dan ka mgo busow no og-ubat-ubat kandan woy ogpaagad-agaran dan ka igpanganad no ogligkat dod to mgo busow.

Impapitow 2:14

Di duon dod pila no kono ku ogkoiniatan no oghimuon now. Ian su duon mgo duma now no og-unugon ka sikan no in-anad ni Balaam dongan. Ian su duon dalan no in-anad ni Balaam ki Balak to oyow ogpasaloon din ka mgo pinanganak ni Israil. No nigpaayat ni Balaam ka mgo otow to oyow ogkokoon sikandan to ngalap no igkatubad to mgo inotow woy to oyow oghimuon dan ka mgo maroot to kono no asawa ran.

Impapitow 2:20

Di duon pad kono ku ogkoiniatan no batasan now. Ian su ogbalagaron now ro ka ig-anad to sikan no boi no ogngaranan ki Disabil no og-abin to talagnangon sikandin to kinagian to Magboboot. Dokad di to og-anaron din ka mgo sakup ku to oyow oghimu to maroot to kono no asawa ran woy to oyow ogkoon to sikan no ngalap no ingkatubad to mgo inotow.