Lukas 16:26 - Manobo Ata

²⁶ Igkarua,’ kagi ni Abraham kuwo dut datu to, ‘duon maralom no bitu no nokoolat kanta to oyow agad hontow no ogkoiniat poron ogbayo ligkat kai no oghondio poron to kaniu, kono ogpakabayo. Songo waro ogpakabayo ligkat dio to kaniu no oghondini to kanami.’

Lukas 16:26 Iomraidhean Croise

Matiu 25:46

To tapus ka pananglitan ni Hisus, kagi rin, ‘Woy soini no mgo otow kai to gibang ku, igpaalap sikandan dio to logparan dan no waro katamanan. Di sika mgo otow no matuwarong so goinawa ran dio to Magboboot, ogbogayan sikandan to kouyagan no waro katamanan.’ ”

Lukas 12:59

No ka ignangon ku kaniu,” kagi ni Hisus, “kono kow ian ogpakalibuwas ko waro now pad ian matiboi bayari ka tibo no utang now, agad sagboka naan do no sintabus,” kagi ni Hisus.

Lukas 16:25

Di nigtabak si Abraham to, ‘Apu, doromdoma nu ko manokal ka pad, waro kulang to pog-ugpo nu su maroyow no kalaglagan nu di si Lasaru atag, noumaan to maroot no pog-ugpo din di kai kuntoon, si Lasaru maroyow ka pog-ugpo di sikoykow kuntoon, ogkabaybayaran ka.

Lukas 16:27

“Nigkagi ka gimukud to datu ki Abraham to, ‘Ko sikan ian Apu, oghangyu a koykow to oyow ogsuguon nu si Lasaru dio to baloy to amoy ku

Huan 3:36

Sikan no otow no nigtuu to Anak to Magboboot ogkouyag ka sikan no otow no waro katamanan dio to langit. Di sikan no otow no kono ogbabali to Anak din, kono ogkouyag dio. Kono ogkaawo ka igkabou to Magboboot to sikan no mgo otow taman to waro katamanan.”

Impapitow 20:10

No si Satanas no niggawoy kandan, igdogpak sikandin dio to ogliabliab no hapuy to asupri no nigdogpakan to sikan no magintalunan no nigligkat to dagat woy ka talagnangon to kinagian din. No to allow woy to marusilom taman to waro katamanan ka igkabaybayari ran.

Impapitow 22:11

Di duon mgo otow no oghimu to maroot woy ka ogpakasipod, no ogparagason dan do duon ka mgo maroot no oghimuon dan. Di ka sikan no mgo otow no oghimu to mgo maroyow, songo ogparagason dan ka poghimu to maroyow. No ka sikan no otow no ogpaagad-agad to Magboboot, songo ogparagason dan to poghimu to igkoiniat din.