Lukas 16:17 - Manobo Ata

¹⁷ Di tongod to Balaod ta, kono ogkoimu no ogkaawo agad molintok do to sikan no impasulat ko waro pad matuman ka tibo no ingkasulat. Agad ko ogkaawo pa ka soin no langit woy ko soini no tano, kono ian ogkaawo agad sagboka ro no ingkasulat dongan to kagi to Magboboot.”

Lukas 16:17 Iomraidhean Croise

Matiu 5:18

Taman to warad ka langit woy ka kalibutan, waro agad sagboka no molintok no sugu to Magboboot no ogkoongkoran. Tibo no sugu to Magboboot ogkatuman. Indani now soini.

Lukas 21:33

Uromo ogkaawo ka soini no langit woy soini tano, di kono ogkaawo ka mgo kagi ku.”

Ruma 3:31

Nò, su ian do ogpakamaroyow kanta dio to tangkaan to Magboboot ka pogtuu ta ki Hisus, do kow ogsumansuman to warad on buwa pulus ka dongan no Balaod to Magboboot, su ligkat to pogtuu ta ki Hisus, madmaroyow atag ka pogtuman ta to sikan no Balaod.

1 Pedro 1:25

Di ka kagi to Magboboot, kono ogkaawo taman to waro katamanan.” No ka sikan no kagi to Magboboot, ian ka ingkaanad kaniu.

2 Pedro 3:10

Di ogpokouma rod ka Allow no ogdaaton to Magboboot ka soini no kalibutan No ian ogkounawa to pogkouma to talagpanakow su ogkatokow on ian ka mgo otow. No to sikan no allow, duon ogkarinog no maagbot no ogkokonolung no ogkoubus on no ogkaawo ka langit. No ka tano woy ka kalaglagan kai, woy ka mgo hinimuan to mgo otow, ogkasilaban no ka tano, ogkatunow on to hapuy.

Impapitow 20:11

Nò, pogpitow ku no duon dakol woy maputi no pinnuuanan to pandatuan, woy duon on ogpinpinnuu to sikan. Nanaawo ka tano woy ka langit dio to tangkaan din, no konad on ogkitoon.

Impapitow 21:1

Pogpitow ku no duon on iam no langit woy ka iam on no tano su ka an-anayan no langit woy ka an-anayan no tano, nanaawo on. Woy songo warad on ka dagat.

Impapitow 21:4

Og-awoon din on ka tibo no igmasakit to goinawa ran su warad kamatayon, warad on igpandawot, warad on ogsinsinogow, su ogpunasan din ka tibo no mgo luwo to mgo mata ran su ka tahan no pog–ugpo to soini no kalibutan, ogkaawo on.”