Lukas 16:11 - Manobo Ata

¹¹ Ko kono kow ogkasaligan bahin to mgo kalaglagan, mgo salapi no ian ka igkaratu ta kai to soini no tano, hontow pa ka ogpakasalig kaniu bahin to mgo malogot no igkaratu no ogpuun to Magboboot?

Lukas 16:11 Iomraidhean Croise

Matiu 6:24

“Ko duon uripon, kono ogkohimu no darua ka tagtuun kandin. Duon goinawa rin to sagboka woy og-usigon din ka sikan no dangob woy oggongonan din ka sagboka di ogsawayan din ka dangob. Songo unawa,” kagi ni Hisus, “ko dio now isabuk to goinawa now ka igkaratu now, songo kono ogkaayun no songo isabuk now ka Magboboot to goinawa now. Kono no litos to ogpokogdongan to soin no darua.”

Lukas 12:33

“Ibaligya now ka tibo no kalaglagan now no ibogoy now ka sikan no salapi to duma no mgo otow no duon og-awoson dan. Unawaa now to soin no pananglitan. Kua now ka pitaka no kono ogkamolu no litos to igkaratu now. Dio now isabuk to langit su dio to Langit, kono ogkoubus woy songo kono ogkatakow, woy kono songo ogkaraat to mgo ulod-ulod.”

Lukas 16:12

Ko kono kow ogkasaligan to kalaglagan no igpatamongan kaniu to songo otow kai to tano, hontow buwa ka ogsalig kaniu to ogtamong to kaniu no kalaglagan?”

Lukas 16:9

No kagi ni Hisus, “Soini ka ignangon ku kaniu. Ka igkaratu now dini to tano, ian ka igpakabulig now to duma no mgo otow dini to tano oyow uromo ko warad on ka soini no igkaratu nu no ogkapurut now dini to tano, ogtinawoon kow to Magboboot dio to ugpaanan no waro katamanan dio to langit.

Lukas 18:22

Pogdinog ni Hisus to tabak to sikan no igbuyag, nigkagi kandin to, “Duon dod sagboka no oghimuon nu rod. Ibaligya nu ka tibo no kalaglagan nu no pambogayi nu ka mgo publi to sikan no salapi. Ko ogpakatuman ka to sikan, duon dakol no igkaratu nu dio to langit no ugpaan to Magboboot. Ko impambogoy nud on, libong ka dii woy dumaruma kad on koddi.”

Episu 3:8

Agad to mamalintok ka ngaran ku to tibo no duma no mgo nigtuu, di nohoy-uan a to Magboboot. Ian su sikanak ka nigsaligan din to ognangonnangon kaniu to duon karoyawon no kono ogkasokod no ogligkat ki Kristu no igbogoy rin kaniu no kono no Hudiu.

Santiago 2:5

Mgo sulod ku no indakoli kud to goinawa, pamminog kow pa. Mohon-ing ka mgo otow no publi no nig-abin on to Magboboot oyow ogdakol ka pogsalig dan kandin woy to oyow ogpakalagkos sikandan to pogsugu to Magboboot uromo. Ka sikan, tahan din no ingkanangon no igbogoy rin to tibo no mgo otow no ogdakolon sikandin to goinawa ran.

Impapitow 3:18

Sikan ian to ogtalosonon ku sikaniu to oyow ogboli kow to bulawan no nool-ologan on dio to hapuy no warad on solug no maligsom. Ka sikan, ian ka malogot no pogtuu now woy ka igkaratui now. Woy kua now kai to kanak ka maputi no kinabo now oyow ogkaatangan on ka igkasipod now. Woy hondii kow ka ogpatambal kanak to mata now oyow ogpakakita kow on.