Lukas 15:28 - Manobo Ata

²⁸ Sikan do ian no nabolu lagboy ka kakoy no warad mogparagas mogsolod to baloy. Nò, niglibuwas on ka amoy rin no oghondio to anak din no kakoy no pig-im-imuan din sikandin oyow ogsolod no og-amut kandan.

Lukas 15:28 Iomraidhean Croise

Matiu 20:11

Nò, to napurut dan on ka salapi dan, nigsamilian dan ka salapi no imbogoy to nigpatalabau kandan no kagi ran,

Markos 1:40

Ko dio, nigdalapak ki Hisus ka songo otow no ibungon no nigluhud no nigbuyu to ogbuligan sikandin no kagi rin, “Ko ogkoiniatan nu ogpakabawi ka to kogang ku oyow ogkaawo ka igkaligsomi ku dio to tangkaan to mgo otow.”

Lukas 13:34

Nigparagas si Hisus to kagi rin to, “A mgo taga Hirusalim. Kaniu ka oghimatoy to mgo talagnangon to kagi to Magboboot woy ogdogpakon now to batu oyow ogkamatoy ka mgo otow no nigsugu to Magboboot dio to kaniu. Malasi a porom ogkopkop to tibo no anak nu no unawa to upa no oglimuron din no ogkupkupan din ka mgo piak din, di wa kow man nigbogoy,” kagi ni Hisus.

Lukas 15:2

Di ka mgo Parisiu woy ka mgo talag-anad to Balaod, nigmugongmugong kandan bahin ki Hisus no kagi ran to, “Amana soini no otow no ogsagman to mgo makasasalo no mgo otow woy songo og-amut kandan ko ogkokoon.”

Lukas 15:27

Nigtabak ka suguonon to, ‘Ka hari nu, nokouma kuntoon no allow. Sikan ian to nigpohimatayan to amoy nu ka malambog no nati to baka su narago to nokouli dod ka anak din to maroyow rod so lawa rin.’ Sikan ka kagi to suguonon dan.

Lukas 15:29

Di nigtabak ka anak din no kakoy kuwo to amoy rin to, ‘Dokad naan sikoddi no matolon kai to baloy nu no waro a mogligal to agad nokoy ka insugu nu koddi di waro a nu bogayi to agad nati to kambing oyow oghimu a to pagkoonan to mgo duma ku!

Lukas 24:47

Songo og-awos to ognangonan ka tibo no otawa bunsud kai to lunsud to Hirusalim to ogpasayluon sikandan to mgo salo dan to Magboboot ko ogsonditan dan woy og-ongkoran dan ka mgo salo dan.”

Lukas 5:30

Nigbayo dio ka duma no mgo Parisiu woy ka duma no talag-anad to Balaod. Nigmugongmugong sikandan no inso dan to mgo hibatoon ni Hisus to, “Manio to og-amut kow no ogkoon woy og-inum to mgo makasasalo woy ka mgo talagkubla to buhis?”

Lukas 7:39

Nò, ka Parisiu no nigpatugun ki Hisus, pogpitow rin to pighimu to boi ki Hisus, kagi to goinawa rin to, “Man naan poron ko talagnangon pa to kagi to Magboboot ka soin no lukos, ogtokoron din poron ko hontow ka soin no boi no ogpunas to paa rin to makasasalo no boi ian.”

Hinimuan 13:45

Di pogpitow to mgo Hudiu to mohon–ing ka mgo otow no nan–amut no ogpamminog ki Pablo daruwa ki Birnabi, lagboy on ian no noima. Sikan ian to nig–atuan dan ka innangonnangon ni Pablo woy nandoot dan.

Hinimuan 13:50

Di ka mgo Hudiu no waro nigtuu, nigsasow ran ka mabantug no mgo otow woy ka mgo boi no ogtahud to Magboboot no songo mabantug no dio to sikan no lunsud. Sikan ian to nigbaybayaran dan on si Pablo daruwa ki Birnabi woy nigdogil dan sikandan to sikan no ugpaan.

Hinimuan 14:19

Nò, duon nokouma no mgo Hudiu no dio mogligkat to mgo lunsud to Antiokia woy ka Ikuniu, no nigsasow ran ka mgo taga Listra. No sikan ian to pigdorogpak to mgo otow si Pablo to dakol no batu, woy nigganuy ran on ka lawa rin dio to libuwasan to lunsud su nahan dan no namatoy on.

Hinimuan 14:2

Di ka mgo Hudiu no waro nigtuu ki Hisus, nigsasow ran ka mgo otow no kono no Hudiu no waro pad mogtuu. Sikan ian to naakoban on ka pogdoromdom dan woy nigmaroot on ka pogpitow ran to sikan no mgo otow no nigtuu on ki Hisus.

Ruma 10:19

Og-inso a ko waro sabuti to mgo pinanganak ni Israil ka soini no nangnangonon? Nakasabut ian sikandan su duon ingkasulat dongan ni Moisis to kinagian to Magboboot to: “Sikaniu no sakup ku poron no mgo Hudiu, oghimuon ku to oyow ogkoima kow to pogbulig ku to mgo otow no kono pad nokani no sakup ku. Woy oghimuon ku to oyow ogkabolu kow su ligkat to ogkohoy-uan ku ka mgo otow no dongan waro pad mataga kanak.”

2 Kurintu 5:20

Sikan ian, mgo sulod, su nohimu koy no suguanon ni Hisu Kristu, ogkounawa to nohimu koy no lawa to Magboboot to og-alap to ignangon din kaniu. Nò, su ligkat to nohimu ni Hisu Kristu, ogbuyu koy kaniu oyow ogpoul-ulioy kow on to goinawa to Magboboot.

1 Tisalunika 2:16

su ognangnangonan noy ka mgo otow no kono no Hudiu to oyow ogtuu on woy to oyow ogkapangabangan on sikandan to mgo salo dan. Di ka mgo Hudiu, og-atangan dan poron ka ignangonnangon noy. Sikan ian to ogsokol on ka goinawa ran to mgo salo dan ogkounawa ro to tahan no batasan dan. Di ogkoumaan sikandan to igkabolu to Magboboot.