Lukas 15:2 - Manobo Ata

² Di ka mgo Parisiu woy ka mgo talag-anad to Balaod, nigmugongmugong kandan bahin ki Hisus no kagi ran to, “Amana soini no otow no ogsagman to mgo makasasalo no mgo otow woy songo og-amut kandan ko ogkokoon.”

Lukas 15:2 Iomraidhean Croise

Matiu 11:19

Koddi no Kakoy to Koot-otawan kai to tano, nigkoon ad dio to mgo pagkoonan now woy nig-inum ad. Di kagi to tibo no mgo otow to, ‘Pitawa now to soin no lukos, tungulon sikandin woy palainum sikandin. Woy amigu sikandin to mgo talagkubla to buhis woy dangob no makasasalo.’ Di ka natagaan to Magboboot, nakitaan to malogot naan ka mgo hinimuan din.”

Matiu 9:11

To nigkita ka duma no mgo Parisiu to soini, nig-inso dan ka mgo hibatoon ni Hisus to, “Manio naan to og-amut ogkoon ka igbuyag now to mgo talagkubla to buhis woy to mgo makasasalo?”

Lukas 15:3

Sikan ian no duon pananglitan ni Hisus no intabak din kandan. Kagi ni Hisus to,

Lukas 19:7

To pogkita to mgo otow no dio niglopow si Hisus to baloy ni Sakiu, nigmugongmugong ka mgo otow no kagi ran to, “Dio atag nigdatong si Hisus to baloy to otow no makasasalo.”

Lukas 5:30

Nigbayo dio ka duma no mgo Parisiu woy ka duma no talag-anad to Balaod. Nigmugongmugong sikandan no inso dan to mgo hibatoon ni Hisus to, “Manio to og-amut kow no ogkoon woy og-inum to mgo makasasalo woy ka mgo talagkubla to buhis?”

Lukas 7:34

Kagi ni Hisus, “Koddi no ian Kakoy to Koot-otawan kai to tano, nighondini ad to kaniu no nigkoon ad dio to mgo pagkoonan now woy nig-inum a rod to inumanon di songo nigdoot a now to kagi now to, ‘Tungulon ka soini no lukos woy palainum, woy amigu sikandin to mgo talagkubla to buhis woy mgo otow no makasasalo.’ Sikan ka ogkagion now,” kagi ni Hisus.

Lukas 7:39

Nò, ka Parisiu no nigpatugun ki Hisus, pogpitow rin to pighimu to boi ki Hisus, kagi to goinawa rin to, “Man naan poron ko talagnangon pa to kagi to Magboboot ka soin no lukos, ogtokoron din poron ko hontow ka soin no boi no ogpunas to paa rin to makasasalo no boi ian.”

Hinimuan 11:3

Kagi ran to, “Manio to nighondio kad to mgo otow no kono no Hudiu no waro nigpatulì, woy nig–amut ka kandan to ogkokoon?”

Galasia 2:12

Ian su, ko iam pad mokouma si Pedro, no ko niglimudlimud sikandan to ogkoon, nig-amut pad sikandin to mgo otow no kono no Hudiu. Dokad di, no nokouma on ka mgo Hudiu no nigsugu ni Santiago, warad nig-amut si Pedro kandan su nahallok to ogkasamilian to sikan no mgo Hudiu no ogpatuman poron to mgo Balaod ni Moisis.

1 Timoteo 1:15

Tu-tuu ian ka soini no nangnangonon no litos no ogtuuon ta to waro igduwaruwa ta, to nighondii si Hisu Kristu to soini no tano oyow ogkapangabangan din ka mgo otow no makasasalo. No sikanak, labow ka kanak no salo to duma no makasasalo no otow