Lukas 13:34 - Manobo Ata

³⁴ Nigparagas si Hisus to kagi rin to, “A mgo taga Hirusalim. Kaniu ka oghimatoy to mgo talagnangon to kagi to Magboboot woy ogdogpakon now to batu oyow ogkamatoy ka mgo otow no nigsugu to Magboboot dio to kaniu. Malasi a porom ogkopkop to tibo no anak nu no unawa to upa no oglimuron din no ogkupkupan din ka mgo piak din, di wa kow man nigbogoy,” kagi ni Hisus.

Lukas 13:34 Iomraidhean Croise

Matiu 22:3

Pigsugu to Igbuyag ka mgo suguanon din oyow ognangonan dan ka mgo otow no nigtugunan din. Di to nignangonan on sikandan to mgo suguanon, kono no goinawa ran to oghondio.

Matiu 22:6

Duon dod duma no otow no nigtugunan to Igbuyag no nigbakus dan ka mgo suguanon woy niglamposan dan sikandan, woy nighimatayan dan sikandan.

Lukas 15:28

Sikan do ian no nabolu lagboy ka kakoy no warad mogparagas mogsolod to baloy. Nò, niglibuwas on ka amoy rin no oghondio to anak din no kakoy no pig-im-imuan din sikandin oyow ogsolod no og-amut kandan.

Lukas 19:44

Ogguguson to malogot ka mgo alad now no batu, no ka mgo batu, warad ogkagalat agad sagboka no batu dio to nasabukan to soini. Tibo ogkoubus ka baloy now woy ka mgo otow to soini no ugpaan now, su waro now tokora sikandin to nighondini to kaniu oyow ogpakalipuas kaniu.” Ian ka kagi ni Hisus to nakasinogow.

Lukas 23:28

Di nigbalikid si Hisus kandan no kagi rin, “Mgo boi no taga Hirusalim, kona a now sinagawi, di ian now atag sinagawi ka kaniu no pog-ugpo woy ka mgo anak now.

Hinimuan 7:52

Waro agad sagboka no talagnangon to kagi to Magboboot dongan no waro baybayari to mgo kaap–apuan now. Woy pighimatayan dan ka mgo talagnangon to kagi rin dongan no impanoy innangon to oghondinid on ka Matuwarong no Suguanon din no si Hisus. Sikan ian ka impanabod woy nigbunu now.

Hinimuan 7:59

No to pogdogpak pad ki Istiban to mgo batu, nig–ampu. Kagi rin to, “Hisus no Lagboy no Igbuyag ku, alapa nu ka gimukud ku dio to koykow.”

Hinimuan 8:1

Si Saulo, nig–uyun to kamatayon ni Istiban. Di duon mgo otow no dakol so goinawa ran to Magboboot. No nig–alap dan ka lawa ni Istiban woy dakol ka pogpandawot dan no inlobong dan on. No ligkat to sikan no allow to pogkamatoy ni Istiban, nigbunsud on ka dakol no igkabaybayari. No ka mgo otow no nigtuu ki Hisus no dio to Hirusalim, nigbaybayaran on to mgo otow no waro mogtuu. No ka mgo otow no nigtuu, nokogsuwoysuwoy on no dio mogdolog to agad hondoi no lunsud duon to probinsia to Hudia woy dio to Samaria. No ian naan do nagalat dio to Hirusalim ka mgo suguanon ni Hisus.

Impapitow 11:8

Ka lawa to sikan no daruwa no nammatoy, nakatuus do duon to kalasara to sikan no dakol no lunsud. No dongan, dio ilansang ka Lagboy no Igbuyag ta to krus. Woy ian dod ka lunsud no songo ogpanag-iling to Suduma woy ko Ehipto.