Lukas 13:24 - Manobo Ata

^24-25 “Dio to Pandatuan to Magboboot, duon no ogko-unawa no malig-ot so gumawan. Poomoti now to ogsolod to sikan no malig-ot no gumawan. Nò, ogpoko-uma ka allow no oglokoban to Magboboot ka gumawan. Mohon-ing ka ogsolod porom di kono ogpakatood. Sikaniu no dio kow rod to libuwasan ogbunsud kow to ogtoktok to lokob no ogkagi kow to, ‘Buyag, pulasi koy ro,’ no ogtabak din to, ‘Waro a mogtokod kaniu.’

Lukas 13:24 Iomraidhean Croise

Matiu 11:12

Ligkat to pogwali ni Huan to mgo otow bahin to kagi to Magboboot taman to kuntoon, ogpoomot ka mgo otow no og-agow to katondanan to Pogsugu to Magboboot.

Lukas 13:23

Duon songo otow no nig-inso ki Hisus to, “Buyag, og-inso a koykow ko manalingboka ro ka ogkapangabangan to salo dan?” No nigkagi si Hisus kandin to,

Lukas 21:36

“Sikan ian no ngilam kow woy ungod kow ampu no buyua now rio to Magboboot oyow ogmanokal do ka goinawa now oyow kono kow ogkaroog to igkabaybayari no ogpakaratong kai to ampow to tano, woy oyow waro igkasipod now uromo no ogpakasasindog kow dio to tangkaan ku no Kakoy to mgo Koot-otawan kai to kalibutan,” kagi ni Hisus.

Huan 13:33

Kagi pad ni Hisus, “Nò, mgo sulod no inat anak ku sikaniu, malopot naan do ka pog-ugpo ku kai to kaniu. Ogpamitawon a now. Di ka kagi ku kaniu, unawa ian to kagi ku to mgo igbuyag to Hudiu no nig-iling a to ‘Kono kow ogpakasundul dio to ogdatongan ku.’ ”

Huan 5:4

[Ogtatagad ka soin no mgo otow to ogkasiu-siu ka woig su oghondio to sikan no woig ka songo diwata no suguanon to Magboboot no ogkasiuan din ka woig. Di waro mataga ka mgo malotoy ko kon-u ogpokouma ka diwata. Nò, ka sika an-anayan no otow no oglogsad dio to woig no ogkasiu on, ogkoulian on ka sikan no otow, agad nokoy ka dalu rin.]

Huan 6:27

Nig-udlingan pad ni Hisus sikandan no kagi rin, “Kono no ian now ogpoomotan ka koonon no ogkamolu do su ian now porom ogpoomotan ka sikan no koonon no kono ogkamolu no ogpuunan to kouyagan now no waro katamanan. Sikoddi, no Kakoy to mgo Koot-otawan,” kagi ni Hisus, “ogbogoy a kaniu to soini no koonon su pigbogayan ad to Amoy ku no Magboboot ka katondanan.”

Huan 7:34

Ogpamitawon a now, di kona a now on ogkitoon su kono kow man ogpakasundul dio to ogdatongan ku.”

Huan 8:21

Kagi pa ni Hisus kandan to, “Koddi, og-awa a pad dini. Ungod a now ogpamitawa di kona a now ogkitoon. Ogkamatoy kow ro no wa maawo ka salo now. Kono kow ogpakasundul dio to ogdatongan ku.”

Ruma 10:3

Waro dan sagmana ka katagaanan dan poron to dalan no nighimu to Magboboot kandan no litos to oyow ogmaroyow on sikandan dio to tangkaan din. Di nig-ol-olog dan no oghimu to kandan atag no dalan. Sikan ian to waro nig-unug sikandan to dalan no imbogoy to Magboboot no ogpakamaroyow poron kandan dio to tangkaan din.

Kulusas 1:29

Sikan ian to ogpoomotan ku ka igpohimu rin kanak su ligkat to dayagang no imbogoy rin kanak no ogligkat to dakol no kabogbogan din.

Hibriu 4:11

Sikan ian no og-awoson to ungod ki ogpoomot to oyow ogpakasolod ki to sikan no himolayan to Magboboot. No og-ayad-ayad ki to oyow waro agad sagboka kanta no ogpokoiling to sikan no mgo otow no waro nigpaagad-agad no waro makatood no ogsolod.

2 Pedro 1:10

Sikan ian, mgo sulod, og-awoson no ogpoomot ki no ogtuman to igpohimu to Magboboot kanta no igmalogot to naabin kinow rin no sakup din. Ko sikan ian ka ogtumanon ta, kono ki ogpakasuwoy to malogot no dalan.