Lukas 13:16 - Manobo Ata

¹⁶ Nò, ka soini no boi no songo Hudiu dod no pinanganak dod ni Abraham, sampulu woy wawalu on no tuid ka pogkabaybayari rin to soin no dalu no nigligkat ki Satanas. Og-insa a ko kono no goinawa now to ogkabawian sikandin to igkabaybayari rin kuntoon, agad to Allow ta to Oghimoloy?” kagi ni Hisus.

Lukas 13:16 Iomraidhean Croise

Matiu 4:10

Nigtabak si Hisus ki Satanas no nigsugu to, “Satanas, awo ka kai to koddi. Duon inkasulat no kagi to Magboboot dongan to, ‘Kaniu, ian now ro simbaa ka Magboboot now woy kandin do ogpaag-agaran now.’ ”

Markos 2:27

Kagi pa ni Hisus kandan, “Nighimu to Magboboot ka Allow to Oghimoloy oyow ogkapulusan ka mgo otow. Wa din himua ka otow to duon Allow to Oghimoloy.

Lukas 16:24

“Nò, nigbabansagon no nig-umow ka datu kuwo ki Abraham to, ‘Wow, Apu Abraham, kohoy-ui a nu ro. Sugua nu bag si Lasaru to oyow igtinduk din bag ka tinuru din duon to woig woy oghondini pa koddi oyow igpatuu kai to dilo ku oyow og-aguanta a su lagboy a ian ogkasakitan kai to soin no hapuy.’

Lukas 19:9

Kagi ni Hisus ki Sakiu, “Kuntoon no allow, koykow woy ka mgo duma nu kai to soin no baloy, nalipuasan kow on to mgo salo now su kuntoon no nig-unawa on ka pogtuu now to pogtuu to kaap-apuan ta no si Abraham.

Lukas 3:8

Ko kono now ogkoiniatan to ogkoumaan kow to iglogpad uromo, balbalawi now ka goinawa now woy himua now ka maroyow no batasan now no igpakita now to nabalbalawan on ka goinawa now. Ko kow ogsalig to goinawa now to nahan now no kono kow ogkalogparan su si Abraham ka minuna now. Ko og-awoson to Magboboot to duon apu ni Abraham ogkagian din do ka soin no mgo batu no ogpokohimu no mgo kapunganan ni Abraham,” kagi ni Huan.

Huan 8:44

Sikaniu, amoy now si Satanas woy ka goinawa now ian to oghimu to agad nokoy no igkoiniat din. Sikandin, tahan no talagbunu no nigbunsud ko iam pad mohimu ka kalibutan. Waro nigpaginlabot to kamalogotan su waro man dio to kandin ka malogot no kinagian. Ko og-uubat sikandin batasan din ian to ubaton woy sikandin ka ogligkatan to tibo no mgo ubat.

Hinimuan 13:26

No kagi ni Pablo to, “Mgo sulod no mgo pinanganak ni Abraham woy tibo kaniu no ogtahud to Magboboot, pamminog kow. Sikanta, nigpaalapan ki to Magboboot to soini no nangnangonon noy tongod ki Hisus su oyow ogkapangabangan kid to mgo salo ta.

2 Timoteo 2:26

Ian su oyow ogkatul-id on ka doromdom dan no ogkaawo on to pogboot ni Satanas no nakagawoy kandan su tuud din poron ko ogkapogos din poron sikandan to oghimu to ogkoiniatan din.