Lukas 13:15 - Manobo Ata

¹⁵ Nigtabak si Hisus to igbuyag to anaranan to mgo Hudiu. Kagi rin, “Ogpatuutuu ro ka pogtuu now! Hontow pad no otow dii ka kono din oghokaron ka lubid to baka rin woy ko kuddo din no ogtuyukon din dio to woig oyow ogpoinumon din to Allow ta to Oghimoloy?

Lukas 13:15 Iomraidhean Croise

Matiu 15:14

Balagara now ka mgo Parisiu. Ogkounawa sikandan to otow no nabutud. Nò, og-insa a kaniu ko litos ko ogpakitkitooy ka noolin no nabutud? Kono su sikandan no darua, ogkoulug dio to kanal.”

Matiu 15:7

Ogpatuutuu kow no mgo otow. Malogot ka innangon ni Isaias bahin kaniu no igkasulat dut kagi to Magboboot no nigkagi to,

Matiu 23:13

Ogkohoy-u kaniu no mgo talag-anad to Balaod woy ka mgo Parisiu. Ogpatuutuu ro ka pogtuu now to Magboboot. Ko duon otow no ogsolod porom to Pogsugu to Magboboot ogbalabagan now ka dalan dan. Sikaniu, kono kow atag ogpakasolod to Pogsugu to Magboboot woy kono now ogpasoloron ka duma no ogsolod porom.

Matiu 23:28

Ogkounawa kow ro to sika mgo lobonganan su ko ogpitow ka mgo otow kaniu, inat to maroyow ka mgo oghimuon now di atag makasasalo kow naan no ogpatuutuu ka pogtuu now to Magboboot.

Matiu 7:5

Nahan nu no matuwarong ka di maroot ka oghimuon nu. Hun-aa nu pad awaa ka batang duon to mata nu oyow ogkamolmologan nu to ogkita to ogkuit to sika malintok do no nakabulog dut mata to duma nu.”

Lukas 12:1

Nokogdongan to sikan no pog-alkuy to mgo Parisiu, woy ka udling ni Hisus, ogkatimtimulan on ka mgo otow dio taman to nalimud on ka pila buwa no libu duon. Mohon-ing on ian sikandan no ogpokogdiokdiok on. Nighun-a ni Hisus kagii ka mgo hibatoon din. Kagi rin, “Bantoy kow to igpatulin to paan to mgo Parisiu su ian ka pogkarakoldakol dan.”

Lukas 14:5

Nò, nigkagian ni Hisus ka mgo otow no ogbabantoy kandin to, “Agad hontow kaniu, ko pananglitan, duon anak nu woy ko baka nu no noulug dio to balun to Allow ta to Oghimoloy, og-inso a ko kono now og-agpason ogpangabangi?”

Lukas 6:42

Kono ian ogkaayun ko ogkagi ki to duma ta to, ‘Sulod, dii ka pa su ogkuiton ku pad ka inkabuog to mata nu,’ dokad di to duon batang dio to koykow no mata no kono nu ogkitoon.” Kagi ni Hisus, “Koykow no otow no kono ogpakasokod ka batasan nu to ogkagion nu, woy nu ro awaa ka malintok no inkabuog dio to mata to duma nu ko og-awoon nu pa ka batang duon to koykow no mata. Nò, ogkamolmologan nud on to ogpitawon nu oyow ogkaayun nu ogkuit to malintok no igkabuog duon to mata to duma nu,” kagi ni Hisus.

Lukas 7:13

Agad si Hisus, pogkita rin to inoy dut namatoy, nohoy-uan din sikandin. Kagi ni Hisus kandin to, “Ko kad on ogsinogow,”

Lukas 7:19

Nò, nigpoumow ni Huan ka darua no hibatoon din, no pogkouma ran, nigpohondio din on to ki Hisus oyow og-insaan dan sikandin to, “Sikoykow buwa ka Igbuyag no innangon ni Huan to ogpohondini on to Magboboot to kanami woy ko duon pad loin no otow no ogtagaran noy?”