Lukas 12:48 - Manobo Ata

⁴⁸ Di ka suguonon no waro mataga to igkoiniat to igbuyag din no songo duon hinimuan din no litos poron to ogkabarasan sikandin, kono do amana atag ka igkabaras kandin to igbuyag din. Ka otow no ogbogayan to dakol, songo dakol ka pog-iman dut igbuyag din no ig-uli kandin. Ka otow no ogbogayan to subla pad to dakol, songo subla pad to dakol ka pog-iman dut igbuyag din no ig-uli kandin.”

Lukas 12:48 Iomraidhean Croise

Matiu 13:12

Ka otow no ogtuu woy duon pogsabut din, ogtimulan pad to Magboboot ka pogsabut din oyow ogdakol ka ogkatagaan din. Di ka otow no kono ogtuu, og-awoon pad to Magboboot ka doisok no duon to ulu rin.

Matiu 23:14

Ogkohoy-u kaniu no mgo talag-anad to Balaod woy mgo Parisiu. Patuutuu ro ka pogtuu now to Magboboot. Oggawayan now ro ka mgo nabalu no mgo boi oyow ogkuon now ka igkouyagi ran mgo baloy ran. Songo ogmalayaton now ka pog-ampu now oyow ogkoholos ka hinimuan now no mgo maroot. Ligkat to soin, dakol lagboy ka iglogpad kaniu to Magboboot.

Lukas 12:41

Kagi ni Pedro ki Hisus to, “Buyag, og-inso a koykow to soini no pananglitan nu, ko kanami ro no hibatoon nu ka ognangonan nu woy ko tibo no mgo otow ka ognangonan nu?”

Lukas 12:49

Nigparagas si Hisus to kagi rin to, “Ian inghongkai ku to tano su nig-alap a to iglogpad to mgo otow. No sika iglogpad, unawa ian to hapuy no ogparakotan. Maroyow ku porom ko nalogdog on kuntoon.

Lukas 16:2

“Nò, pigpoumow to datu ka sinaligan din. Kagi to datu kuwo kandin to, ‘Nokoy soini no maroot no narinog ku tongod koykow? Bogayi a to listaan to tibo no pogbantoy nu su kono kud on ogsaligan sikoykow.’

Huan 15:22

Waro porom nakasalo sikandan to waro nigtuu koddi ko wara a moghondini woy nig-anad ku sikandan. Di to nignangonan kud on, kuntoon, konad on ogpakabalibad sikandan to duon salo dan.

Hinimuan 17:30

Dongan no waro pad mataga ka mgo otow to tu–tuu ian no Magboboot, nigbalagad din ka mgo batasan dan. Di kuntoon, ognangonan din ka tibo no mgo otow dio to agad hondoi to, ‘Sondita now on ka mgo maroot no batasan now.’

1 Timoteo 1:11

Ka soini no in-anad ku, nigligkat to sikan no Maroyow no Nangnangonon no impatalipun to Magboboot kanak. Sikandin ka mabogbog no litos to ogsayoon ta.

1 Timoteo 1:13

Nokani, nigmaroot ku ka ngaran din woy nigdootdootan ku sikandin woy nigbaybayaran ku ka mgo otow no nigtuu kandin. Dokad di, nohoy-uan a rod nasi to Magboboot su waro a pad nigtuu no waro a pad mataga to maroot ka oghimuon ku.

1 Timoteo 6:20

Sikoykow, Timoteo, ay-ayari nu paag-agari ka insalig ku koykow. Kono kad og-amut to sikan no mgo otow no ogpamatbat do duon to waro pulus no ogpakalop-ang to kinagian to Magboboot, woy songo kono kad og-amut to mgo otow no ogpaap-apuloy tongod to nahan dan no dakol no katagaanan dan.

Titu 1:3

No ko natuman on ka allow no nig-indanan to Magboboot dongan, impohitaga rin on kanta to sikan no kinagian din. No ka Magboboot no ian Talagpangabang kanta, pigsaligan a rin woy nigsugu a rin to oyow ogpakanangonnangon a to sikan no kinagian.

Santiago 3:1

Mgo sulod, maroyow ko manalingboka ta ro ka og-abin to katondanan to og-anad to mgo ogtuu su nataga kow to sikanami no mgo talag-anad no duon katondanan noy, dakoldakol ka iglogpad kanami to Magboboot ko ogpakasuwoy koy to tu-tuu ian no pog-anad.