Lukas 12:31 - Manobo Ata

³¹ Hun-aa now doromdoma ka oghimuon now to oyow ogtumanon now no litos to Pogsugu to Magboboot no ko sikan ian ka oghimuon now, songo ogbogayan kow to sika mgo og-awoson now.”

Lukas 12:31 Iomraidhean Croise

Matiu 6:33

Hun-aa now doromdoma ka oghimuon now to oyow ogtumanon now no litos to Pogsugu to Magboboot no ko sikan ian ka oghimuon now, songo ogbogayan kow rin to sika mgo og-awoson now.

Lukas 10:42

Sagboka ro poron ka og-awoson ta. Si Maria ka nig-alam to maroyow no ogpamminog koddi no kono man ogpakaagow to pig-alam din,” kagi ni Hisus.

Lukas 12:30

su ka mgo otow kai to kalibutan no waro mataga to Magboboot, ungod ogkasasow to sikan no pog-ugpo dan, di sikaniu no nigtuu, ka Amoy now no dio to Langit, nataga tahan sikandin to mgo og-awoson now.

Huan 6:27

Nig-udlingan pad ni Hisus sikandan no kagi rin, “Kono no ian now ogpoomotan ka koonon no ogkamolu do su ian now porom ogpoomotan ka sikan no koonon no kono ogkamolu no ogpuunan to kouyagan now no waro katamanan. Sikoddi, no Kakoy to mgo Koot-otawan,” kagi ni Hisus, “ogbogoy a kaniu to soini no koonon su pigbogayan ad to Amoy ku no Magboboot ka katondanan.”

Ruma 8:31

Ko ogdoromdom ki to sikan no innangon ku, ogkatagaan ta to ka Magboboot ka ogbulig kanta no waro agad nokoy no ogpokoomonu kanta.

1 Timoteo 4:8

Duon malintok no pulus ta ko og-anaron ta ka lawa ta, di dakol ka pulus ko ogkaanad ki to ogpaagad-agad to ogkoiniatan to Magboboot su sikan ka ogpakabogoy kanta to maroyow no pog-ugpo ta kuntoon woy ko uromo no dio kinow on to langit.

Hibriu 13:5

Kono tad ogdakoli to goinawa ka salapi. Litos do ko ogkarago ki to kanta no pog-ugpo su nigkagi ka Magboboot to, “Kono ku ogbalagaron sikaniu woy songo kono kow ogkoongkoran.”