Lukas 11:36 - Manobo Ata

³⁶ Ko tiboon nabat-awan ka lawa now, warad ogkagalat dio to goinawa now no marusilom. Tiboon ogmaawang no ian ogkounawaan ko ogkabat-awan kow to layag to ilawan no ogmaawang kow on,” kagi ni Hisus.

Lukas 11:36 Iomraidhean Croise

Matiu 13:52

Nigkagi man do si Hisus to, “Omunaan ko duon talag-anad to Balaod no ogpasakup to Pogsugu to Magboboot, ogkounawa sikandin to datu no duon dio to bodiga rin ka dakol no kalaglagan no iglibuwas din ka tahan woy iam no kasangkapan din oyow ogkagamit.”

Matiu 5:15

Songo waro otow no ogparokot to ilawan no ogsalukuban din to lata. Di igsabuk din atag dio to unturanan no ogkalayagan ka tibo no ogsolod to baloy.

Lukas 11:35

Nò,” kagi ni Hisus, “doyroyawi now ka goinawa now oyow kono ogkaparongan ka ilaw oyow kono ogkarusilom ka lawa now.

Lukas 11:37

Pogkaponga ni Hisus to pogkagi, duon ka sagboka no Parisiu no nighinggat din si Hisus to og-amut to pagkoonan dio to baloy rin. Nigsolod si Hisus to baloy rin woy nigpinnuu no nigkoon.

2 Kurintu 4:6

Ian su dongan to poghimu to Magboboot to soini no kalibutan no marusilom pad tibo, nigkagi sikandin oyow ogkaawo ka marusilom no sikan do ian no nigmaawang on. No sikandin dod ka ogbat-ow to goinawa ta oyow ogpakasabut ki to duon kabogbogan din no ogkakitaan ta dio ki Hisu Kristu.

Episu 4:14

Ko ogtumanon ta ka sikan, kono kid on ogkounawa to mgo bato no ogkahalinhalin ka goinawa ran. Di ogkasagboka ro ka goinawa ta. No kono kid on ogmagaan ogkaalap to agad nokoy no tinuuan no kono no tu-tuu no ig-anad to mgo otow no magawoygawoy to og-uubat to mgo otow.

Kulusas 3:16

Mgo sulod, ipataliwaro ta to goinawa ta ka kinagian no in-anad ni Kristu. No ligkat to katouan no igbogoy to Magboboot, maan-anaroy ki woy moos-osonoy ki. No to mgo tod-om, woy mgo ulaging woy mgo kanta, ogsayoon ta ka Magboboot to sikan no mgo kinagian din no ingkasulat dongan woy ka kagi no ogligkat to Gimukud din no igpatagu to goinawa ta. No to tibo soini, ogpasalamatan tad on ian ka Magboboot.

Hibriu 5:14

Di ka otow no og-ungod ogdoromdom ko nokoy ka litos no oghimuon dan woy ogtokod ko nokoy ka maroyow woy ko maroot no oghimuon, ian tad ogkounawaan ka buyag on no otow no ogpakakoon on to makogal no ogkakoon.

Santiago 1:25

Di ka otow no ungod ogdoromdom to sikan no matul-id lagboy no kinagian to Magboboot no ogpakalipuwas kanta, no ungod ogpaagad-agad, sikan ka ogkohoy-uan to Magboboot to tibo no oghimuon din. Ian su ogtuman sikandin to kagi to Magboboot. Kono no ogdinog do duon di mangkuwan ogkalingawan.

2 Pedro 3:18

Og-awoson to ogkatimul ka pogsabut now to sikan no ingkaanad kaniu tongod ki Hisu Kristu no ian Lagboy no Igbuyag ta woy Talagpangabang kanta. No ka sikan no pogsabut, ogligkat to pogkohoy-u rin kanta. No ligkat kuntoon taman to waro katamanan, ogsayoon tanow si Hisu Kristu. Malogot ian.