Lukas 11:26 - Manobo Ata

²⁶ Nò,” kagi ni Hisus, “Oghipanow pad ka busow no og-angayon din pad ka papitu no busow no madmaroot pad kandin. Nò, oglibongan dan ka otow no noulian on, no ogsolod on ka tibo. Madmaroot pad lagboy ka pog-ugpo to sikan no otow to nokohun-a no pog-ugpo din.” Ian ka kagi ni Hisus.

Lukas 11:26 Iomraidhean Croise

Matiu 12:45

oghondio pad sikandin to mgo duma rin. Ogpangumow to duma rin no papitu no mgo busow no madmaroot pad lagboy kandin. Nò, ogdumoon din sikandan no oglibongan din ka sika otow no noulian on no ogsolod on ka tibo. Madmaroot pad lagboy ka pog-ugpo to sikan no otow to nokohun-a no pog-ugpo din. Ogkounawa sikan ka pog-ugpo to mgo otow no maroot so batasan dan no ogkootawan kuntoon, nasi ogmaroot man do ka batasan dan.”

Matiu 23:15

Kohoy-u kaniu no mgo talag-anad to Balaod woy mgo Parisiu. Patuutuu ro ka pogtuu now. Oghondio kow to doipag to mgo dagat woy oghipanow kow dio to ilis to soin no kalibutan, oyow oghinggaton now ka agad sagboka no otow dio to og-ongkod to kandin no tinuuan oyow og-unug to kaniu no tinuuan. Di ko natuman on, lagboy no sakup sikandin ni Satanas no litos to igdogpak sikandin dio to imperno, tagkos to kaniu.

Lukas 11:25

No ko oglibong ka busow dio to sika otow,” kagi ni Hisus, “ogkitoon din to maroyow on ka pogdoromdom to sikan no otow no ogkounawa to baloy no maawang on woy natapid on.

Lukas 11:27

Duon boi dio to sikan no mohon-ing no mgo otow no nigpamminog ki Hisus. To nigkagi pad si Hisus to sikan no kagi rin, nigpaagbotan to boi ka kagi rin ki Hisus to, “Kapulusan ka sikan no boi no niglosutan woy nigpasusu koykow.”

Huan 5:14

Nò, waro malugoy no pigkita ni Hisus ka sikan no otow dio to Dakol no Ampuanan. Kagi ni Hisus kuwo kandin, “Nò, man, noulian kad on! Kono ka oghutuk ogpakasalo su ko oghutuk ka, ogkoumaan ka buwa to molmohirap pad no masakit nu.”

1 Huan 5:16

Ko duon otow no ogtuu ki Hisus no ogkita to ogpakasalo ka duma rin no nigtuu, no ko ka salo to sikan no otow, kono no salo no kono ogkapasaylu, maroyow ko og-ampuan din ka sikan no otow no nakasalo no ogbogayan to Magboboot to pogkouyag din. Di duon salo no kono ogkapasaylu. Kono a ognangon kaniu to ig-ampu now ka sikan no otow no nakasalo to salo no kono ogkapasaylu.