Lukas 11:2 - Manobo Ata

² Kagi ni Hisus to mgo hibatoon din, “Ko og-ampu kow, kagi now to, ‘Amoy noy no dio to Langit, ka ig-ampu noy oyow ogtahuron ka ngaran nu to tibo no mgo otow. Ogkoiniatan noy no ogmagaan ogkatuman ka Pogsugu nu kai to soini no kalibutan.

Lukas 11:2 Iomraidhean Croise

Matiu 10:32

Ka otow no og-abinon to sikoddi ka igbuyag din dio to tangkaan to mgo otow, songo og-abinon ku sikandin dio to tangkaan to Amoy ku no dio to langit,” kagi ni Hisus.

Matiu 3:2

Nigkagi si Huan to mgo otow to, “Balbalawi now ka goinawa now woy ongkori now on ka maroot no mgo batasan now su natuman on ka Pogsugu to Magboboot kai to tano.”

Matiu 5:16

Unawa soini pad ka oghimuon now. Oglayag kow pinabayo to maroyow no batasan now dio to mgo otow su pinabayo to soini, ogsayoon to mgo otow ka Amoy tanow dio to langit.

Lukas 11:1

Duon allow no nig-ampu si Hisus dio to songo ugpaan no pogkaponga rin, kagi to sagboka no hibatoon din kandin to, “Buyag, anara koy pa oyow ogkatou koy to og-ampu dio to Magboboot su songo nig-anad ni Huan ka kandin no hibatoon.”

Ruma 1:7

Sikan ian no nigsulatan ku sikaniu tibo no dio to lunsud to Ruma no indakoli to Magboboot to goinawa lagkos to nohimu kow on no sakup din. Ogbuyu a kaniu to Magboboot woy ka Lagboy no Igbuyag ta no si Hisu Kristu oyow ogkohoy-uan kow woy ogbogayan kow to maawang no pog-ugpo now.

Ruma 8:15

Ian su ka Gimukud din no ingkabogoy kanta, waro din ipounawa sikanta to uripon no ogkahallok poron lagboy to tagtuun kandin. Di nighimu kinow rin on atag no mgo anak to Magboboot. No ligkat to sikan, oghingaranan ta sikandin to Amoy ta woy ogkasampit ta sikandin ki, “Amo.”

1 Kurintu 1:3

Ogbuyu a ko ogkohoy-uan kow to Magboboot no ian Amoy tanow woy to oyow songo ogkohoy-uan kow ni Hisu Kristu no ian Lagboy no Igbuyag ta. Woy ogbuyu a ko ogbogayan kow nikandin to maawang no goinawa now.

2 Kurintu 1:2

Ogbuyu koy to Magboboot oyow ogkohoy-uan kow woy oyow ogbogayan kow to maawang no goinawa no ogligkat to Magboboot no ian amoy ta woy ligkat dod to Lagboy no Igbuyag ta no si Hisu Kristu.

Galasia 1:4

Nigpakimatoy si Hisus kanta no mgo makasasalo, oyow ogkaawo on ka maroot no nakabanggut to goinawa ta no nigligkat to mgo maroot no ogpakaayat kanta to pog-ugpo ta kuntoon kai to soini no kalibutan. Ian su sikan ka imboot to Magboboot no ian Amoy ta.

Episu 1:2

Ogbuyu a to Amoy tanow no ka Magboboot woy si Hisu Kristu no ian Lagboy no Igbuyag ta oyow ogkohoy-uan kow woy to ogkabogayan kow ran to maawang no pog-ugpo now.

Pilipus 1:2

Ogkoiniatan noy to oyow ka Magboboot no Amoy tanow woy ka Lagboy no Igbuyag tanow no si Hisu Kristu, ogbogoy kaniu to maawang no goinawa now woy ka dakol no pogkohoy-u ran.

Pilipus 4:20

Ogsayoon tanow ka Amoy ta no ka Magboboot to waro katamanan. Maroyow ian.

Kulusas 1:2

Ka soini no sulat, igpaalap noy dio to lunsud to Kulusas dio to kaniu no mgo sulod noy to pogtuu woy masalig ka goinawa now ki Kristu. Ogbuyuon noy ka Amoy ta no ka Magboboot oyow ogkohoy-uan kow woy to oyow ogkabogayan kow rin to maawang no pog-ugpo now.

1 Tisalunika 1:1

Ka soini no sulat, ogligkat kanami no si Pablo, woy si Silas woy si Timoteo no igpaalap noy kaniu no taga Tisalunika no nohimu on no sakup to Magboboot no ian Amoy ta woy sakup dod ni Hisu Kristu no Lagboy no Igbuyag ta. Ogbuyu koy to oyow ogkohoy-uan kow to Magboboot woy si Hisu Kristu no ian Lagboy no Igbuyag ta woy ogbuyu a to oyow ogbogayan kow ran to maawang no goinawa now.

1 Tisalunika 1:3

ko og-ampu koy to Magboboot no ian Amoy ta, su kono noy ogkalingawan to oghingaranan ka maroyow no oghimuon now no ogligkat to pogtuu now ki Hisu Kristu. Woy ognangon koy ka ogpoomotan now ka sikan no oghimuon now su ligkat to dakol so goinawa now kandin. Iglagkos, ignangon noy to og-aguantoon now ka igkabaybayari now su dakol ka pog-iman-iman now kandin no ian Lagboy no Igbuyag ta no si Hisu Kristu.

2 Tisalunika 2:16

Nò, ligkat to Lagboy no Igbuyag ta no si Hisu Kristu woy ka Magboboot no ian Amoy tanow, ogbuyu koy to oyow ogpanokalnokal to goinawa now to ogtuu woy to oyow ogbuligan kow ran oyow ogmaroyow tibo ka oghimuon now woy ka ogkagion now. Dakol ka goinawa rin kanta no ligkat to pogkohoy-u rin kanta, duon on igkarago ta no waro katamanan woy duon on ka maroyow no ogkoim-imanan tanow.

Impapitow 11:15

Nò, ka igkapapitu no diwata to Magboboot, nighiup to bungag din. Inogo on no duon maagbot no mgo lagong ligkat dio to langit no nigkagi to, “Ligkat kuntoon taman to waro katamanan, waro loin no ogpakaalap to pandatuan to soini no kalibutan ko kono no ka Lagboy no Igbuyag woy ka Im-imanan to mgo Koot-otawan no pigsugu din no si Kristu.”

Impapitow 15:4

Lagboy no Igbuyag noy, ogkatahud ka woy ogkasayo ka to tibo no mgo otow su sikoykow ro ian ka waro solug no maroot dio to goinawa nu. Tibo no mgo koot-otawan no ogligkat to tibo no mgo ugpaan, ogpakatangko koykow woy ogpakasimba koykow. Ian su tibo kandan, ogpakakita to matuwarong ka mgo hinimuan nu.” Sikan ka in-opad dan.

Impapitow 19:6

Inogo on no duon nigdinog ku no ogkoiling to magulub to mohon-ing no mgo otow woy songo ogkoiling to pogdaragunut to dakol no sampow, woy ogkoiling dod to maagbot no balansì. No kagi ran to, “Ogsayoon ta ka Magboboot no ian ka Lagboy no Igbuyag woy Mamabogbog to tibo su og-alap sikandin to pandatuan din.

Impapitow 20:4

Pogpitow ku no duon mgo otow no nigpinpinnuu dio to mgo pinnuuanan dan to pogboboot. Woy nigkita kud ka mgo gimukud to sikan no mgo otow no nanamporan to mgo liog dan su nigligkat to impamalogot dan ka in-anad ni Hisus woy su nignangonnangon sikandan to kinagian to Magboboot. No ka duma no ligkatan to pog-ogot kandan su waro dan simbaa ka sikan no magintalunan no nigligkat to dagat woy songo waro dan simbaa ka inotow-otow rin, woy su songo waro nigpapangotob to ngaran to sikan no magintalunan dio to mgo bukod dan woy ko dio to mgo bolad dan. No ogkouyag tibo sikandan woy ogbogayan sikandan to katondanan to ogbulig ki Hisu Kristu to pog-alap din to pandatuan din taman to sikan no songo malan no tuid.