Lukas 11:17 - Manobo Ata

^17-18 Di natagaan ni Hisus to duon bantaan to goinawa to mgo otow. Kagi rin, “Kono man ogkaayun ka ogkagion now no nahan now no ian og-awoon ku ka mgo busow su nahan now no ogligkat ki Biilsibul. Konon litos ka ogkagion now su ogkounawa ian ko ogkalibulung ka mgo sakup to songo igbuyag no ogmabunbunuoy, magaan do ogkaawo ka pandatuan dan, woy ko malasi ogpog-ogotoy ka mgo sulod no og-ugpo to sagboka no baloy, magaan ogpakagsuwoysuwoy on ka sika pamiliya no konad ogbubuligoy. Songo unawa,” kagi, “ko pananglitan pa, nigligkat ki Satanas no ian igbuyag to mgo busow ka indogil ku to soi songo busow, songo ogkaawo poron ka katondanan ni Satanas to og-alap to sakup din.

Lukas 11:17 Iomraidhean Croise

Matiu 9:4

Nataga si Hisus to duon to goinawa to sikan no mgo talag-anad to Balaod no nig-inso din sikandan to, “Manio to maroot ka doromdomon now?

Huan 2:25

Wa din awosa to ognangonan sikandin to batasan to mgo otow su agad waro ognangon kandin, natagaan din ka duon to goinawa ran.

Impapitow 2:23

Woy oghimatayan ku ka mgo sakup to sikan no boi. No ka tibo no mgo otow no nigtuu kanak dio to agad hondoi, ogkataga ran to natagaan ku ka tibo to agad nokoy no nakatagu to goinawa to mgo otow woy ko nokoy ka ogkoiniatan dan no oghimuon. No duon igbogoy ku to tag sagboka kaniu ka igsokod to batasan now ko ka igsayo woy ka iglogpad.