Lukas 10:28 - Manobo Ata

²⁸ Kagi ni Hisus, “malogot ian ka intabak nu. Tumana nu ka sikan no sugu no ogkabogayan ka to sika kouyagan no waro katamanan.”

Lukas 10:28 Iomraidhean Croise

Matiu 19:17

Nigtabak si Hisus no kagi rin to, “Manio no og-insaan a nu ko nokoy ka maroyow no oghimuon nu? Duon sagboka ro no maroyow, waro duma. Ian do ka maroyow ka Magboboot. Ko ogkoiniatan nu no ogkabogayan ka to kouyagan no waro katamanan, tumana nu ka mgo sugu to Magboboot.”

Markos 12:34

Ko nigdinog ni Hisus to maroyow ka tabak din, nigkagi to, “Magaan ka ogpakasolod to Pogsugu to Magboboot.” Nò, waro dangob no inso ki Hisus su nahallok ka tibo to og-inso.

Lukas 7:43

Nigtabak si Simon to, “Ian buwa dakol ka goinawa to sikan no otow ka naawo on ka utang din no dakol.” “Hoo,” kagi ni Hisus ki Simon, “malogot ian ka intabak nu.”

Ruma 10:4

Ian su, konad on ka pogtuman ta poron to Balaod ka dalan no ogpakamaroyow poron kanta dio to tangkaan to Magboboot su nig-awo ni Hisu Kristu ka sikan no dalan to oyow agad hontow no ogtuu kandin, ogkohimu on no maroyow dio to tangkaan to Magboboot.

Ruma 3:19

Nò, nataga kinow to, ka kagi to Balaod to Magboboot, impanangon din to mgo otow no nasakup to sikan no Balaod. Di ian tuud din to oyow waro otow no ogpakakagi to kono no litos ko ogkalogparan sikandin to Magboboot. Ian su tibo no mgo otow kai to kalibutan, nakalop-ang to sikan no innangon to Magboboot.

Ruma 7:10

Sikan ian, ka Balaod no imbogoy to Magboboot, ian poron dalan to pogkouyag to otow ko ogtumanon din. Dokad di, su waro a makatuman to tibo, sikan ka ligkatan to ogkalogparan a poron to igkamatoy ku no waro katamanan.

Galasia 3:12

Di ko duon pa otow no ogpakatuman to tibo no Balaod to Magboboot no waro agad sagboka no salo din, kono poron og-awoson ka pogtuu rin woy ogkabogayan to kouyagan din no waro katamanan. Ian su duon impasulat to Magboboot dongan no kagi rin to, “Ka sikan no otow no ogtuman to tibo no Balaod to Magboboot, ogkabogayan to kouyagan no waro katamanan.” Ian ka kagi rin.