Lukas 10:21 - Manobo Ata

²¹ Ka sikan no allow, nabogayan si Hisus to igkarago din no nigpuun to Gimukud to Magboboot, no kagi rin, “Amoy ku no Magboboot dio to Langit woy kai to tano, ogpasalamatan ku sikoykow su ka soini no inholos nud dongan dio to duon natouanan dan, ian nu ro pasabuta ka mgo otow no molintok do bag so natouan dan. Hoo, Amoy ku, su sikan ian ka pogboot nu no igkoiniat nu.”

Lukas 10:21 Iomraidhean Croise

Matiu 16:17

Nò, kagi ni Hisus to, “Ogkapulusan ka to soini, Simon, anak ni Huan su soini no natagaan nu, waro nigligkat to otow, di nigligkat to Amoy ku no dio to langit.

Matiu 21:16

Nò, nig-inso sikandan ki Hisus to, “Umba man, ogdinogon nu ko nokoy ka ignangon to mgo bato?” Nigtabak si Hisus kandan kagi to, “Hoo, nakabasa kow man to kinagian to Magboboot no ingkasulat to songo talagnangon to kagi to Magboboot dongan no kagi rin, ‘Sikoykow, Magboboot, nig-anad nud ka mgo bato oyow litos ka pogsayo dan koykow.’ ”

Matiu 3:7

To nigkita ni Huan to mohon-ing ka mgo otow no Parisiu woy Sadusiu no ogpokouma dio to kandin oyow ogpabautismu, pigkagian din sikandan to, “Ogkounawa kow to ulod no oghilu su maroot ka batasan now. Manio no oghondini kow? Nahan now buwa no kono kow on oglogparan to Magboboot ko ogkabautismuan kow on to woig.”

Markos 10:15

Malogot ka soi ogkagion ku kaniu to agad hontow no otow no kono din ogsagmanon ka Magboboot no ogkounawa to pogsagman to soin no mgo bato, kono ogpakaamut ka sika otow to Pogsugu to Magboboot.”

Lukas 15:5

Nò,” kagi ni Hisus, “Ko ogkitoon nud on ka karniru nu, ogpuruton nud woy kai nud isabuk to pamanayon nu ko og-uli ka su dakol ian ka igkarago nu to nigkita nud on ka ayam nu.

Lukas 15:9

To pogkita rin to salapi din, oglimuron din ka mgo amigu rin woy ka mgo sugkud din woy ogkagian din sikandan to, ‘Oghimu ki to dakol no igkarago su pigkita kud on ka salapi ku no bulawan no nalagak,’ ” kagi to boi.

Huan 11:41

Nò, nig-awo dan ka sikan no batu no inlokob. Si Hisus, niglonghag dio to langit no kagi rin, “Amo, ogpasalamat a koykow to ogpamminog ka koddi.

2 Kurintu 4:3

Mgo sulod, ian do kono ogpakasabut to sikan no in-anad noy no Maroyow no Nangnangonon ka mgo otow no ogkalogparan to waro katamanan.

Episu 1:11

No to tibo no oghimuon to Magboboot, ogtumanon ka tuud din woy ka ogkoiniatan din. No su tuud din, sikanami no an-anayan no nigtuu, impanoy koy rin nig-abin to oyow ogkohimu koy on no sakup din no ogkasagboka on ki Kristu. Ka sikan, tahan no imboot to Magboboot ligkat dongan. No ka tuud din to oyow ligkat kanami, ogkasayo ka Magboboot no ian mabogbog.

Episu 1:5

No su dakol ka goinawa to Magboboot kanta, tahan on no nigboot sikandin to oyow ogkohimu kinow on no anak din ligkat to nighimu ni Hisu Kristu. Sikan ian ka tuud din woy ka ogkoiniatan din.