Lukas 10:17 - Manobo Ata

¹⁷ Nò, nigtuman on to sikan no kapituan woy darua no mgo sakup no insugu ni Hisus no nan-uli on sikandan. Narago-dago ka goinawa ran no kagi ran ki Hisus to, “Buyag, agad ka mgo busow, ogpaagad-agad kanami to ogdogilon noy on pinabayo to ngaran nu.”

Lukas 10:17 Iomraidhean Croise

Matiu 4:24

Nabantug si Hisus dio to marani no mgo lunsud woy agad dio to tibo no ugpaan to Siria. Omunaan nig-alap to mgo otow dio to kandin ka tibo no mandaralu, agad nokoy no kalasi no ogkounawa to otow no nigsoloran to busow, ka ogbaboyon woy ko noumil no mgo otow. Nigbawian din ka tibo.

Markos 16:17

Ogbogayan ka mgo nigtuu to kabogbogan to oghimu to mgo koin-inuan. Ogpakarogil sikandan to mgo busow no nigsolod to lawa to mgo otow ko oghingaranan dan ka koddi no ngaran. Ka dangob, ogpakakagi to loin no mgo kinagian.

Lukas 10:1

Pogkaponga to soini, nig-alam ni Hisus to kapituan woy darua no mgo sakup din, no man darua ka ogsuguon din no ogpohun-oon din dio to agad hondoi no lunsud mgo hilit no songo ogkabayaan din to oghondio.

Lukas 10:20

Nigparagas si Hisus to kagi rin to, “Kono kow ogkarago to ogpakarogil kow on to busow woy ogpaagad-agad on kaniu ka mgo busow ko ogdogilon now, kono now ogkaragoi to sikan. Ian now nasi karagoi ka ngaran now no nakasulat on dio to Langit.”

Lukas 10:9

Ligkat to kabogbogan ku, bawii now ka mgo otow to sikan no lunsud ko duon ogmandaralu. Nangnangoni now ka mgo otow to, ‘Marani on ka Pogsugu to Magboboot kaniu.’ ”

Lukas 9:1

Piglimud ni Hisus ka sikan no sampulu woy darua no hibatoon din, no nigbogayan din on sikandan to kabogbogan to ogpakarogil to agad nokoy no busow woy oyow songo ogpakabawi to agad nokoy no dalu to mgo otow.

Ruma 16:20

No kono ogkalugoy no ligkat to pogboot to Magboboot no ian ligkatan to ogmaawang ka pog-ugpo ta, ogkaroog now on si Satanas. Maroyow ko ungod kow ogkohoy-uan to Lagboy no Igbuyag ta no si Hisu Kristu.

Episu 5:24

Sikan ian, og-awoson to, ka tag sagboka no boi, og-ungod ogpaagad-agad to asawa rin unawa to mgo otow no nigtuu on ki Kristu, songo ogpaagad-agad on kandin.