Lukas 1:15 - Manobo Ata

¹⁵ su ogkabantug si Huan dio to tangkaan to Magboboot. Kono og-inum sikandin to agad nokoy no inumanon no ogpakalasing. Ligkat to inkootow rin, duon kabogbogan din su og-ugpo ka Gimukud to Magboboot dio to kandin.”

Lukas 1:15 Iomraidhean Croise

Lukas 1:14

Ogkarago ka to dakol no igkarago nu duma to mohon-ing no mgo otow no songo ogkarago ko ogkootow si Huan

Lukas 7:28

Nigparagas si Hisus nigkagi to, “Ka ignangon ku kaniu, agad kon-u, waro otow kai to tano no labow pad ki Huan. Dokad di, sikan no otow no doisok do ka katondanan din di sakup sikandin to Pogsugu to Magboboot, labow pad sikandin ki Huan.” kagi ni Hisus.

Lukas 7:33

Si Huan no Talagbautismu, niglangkad to nigkoon woy waro nig-inum to inumanon, di nigdoot now sikandin to kagi now to, ‘Pigbusawan sikandin.’ ”

Huan 5:35

Ogkounawa ka innangon ni Huan no Talagbautismu to sagboka no ilawan no naparokatan on no ogmalayag. Ko pila ro no bulan, narago kow to sikan no igbat-ow to dalan now dio to Magboboot”

Hinimuan 2:4

No ka Gimukud to Magboboot, nigsolod on to goinawa to tibo no mgo otow no nalimud. No nangakagi on sikandan to mgo nigloinloin no mgo kinagian no imbogoy to Gimukud to Magboboot kandan.

Galasia 1:15

Dokad di, nohoy-uan ad on to Magboboot su to waro a pad mootow, pig-abin ad on to Magboboot no oyow, pogkalugoy, ogkohimu ad on no suguanon din. Impapitow rin kanak ka Anak din no si Hisu Kristu oyow ogpakanangonnangon a to mgo otow no kono no Hudiu to tibo no pighimu ni Hisus kanta. No ka nohimu to sikan, waro a nigpaanad to agad hontow.

Episu 5:18

Kono kid ogpalasinglasing su ka sikan, ogpakaraat kanta. Di og-awoson atag to, ka Gimukud to Magboboot ka lagboy no ogboot to tibo no oghimuon ta.