Kulusas 4:8 - Manobo Ata

⁸ No ian ogpohondioon ku si Tikiku to kaniu oyow ogkabuligan ka goinawa now su igpohitaga rin kaniu ko ogkoomonu koy kai.

Kulusas 4:8 Iomraidhean Croise

1 Kurintu 4:17

Sikan ian to nigsugu ku si Timoteo dio to kaniu oyow ogkounugan now ka batasan ku. Si Timoteo ka ogkasaligan ku woy indakoli ku to goinawa woy anak ku to pogtuu ta to Lagboy no Igbuyag ta. Sikandin ka ogparoromdom kaniu to batasan ku woy ka pog-ugpo ku no oglitos to oghimuon ta ko nigtuu kid on ki Hisu Kristu. Ogkounawa rod ka ig-anad ku dio to agad hondoi no ogpakalimudlimud ka mgo otow to og-ampu ki Hisus.

2 Kurintu 1:4

Sikandin ka ogbulig to goinawa ta to tibo no ogkabayaan ta no igkabaybayari oyow songo ogpakabulig ki to goinawa to duma ta ko songo duon kandan no igkabaybayari. No ian ta igkabulig kandan ka sikan dod no imbulig din to kanta no goinawa.

2 Kurintu 12:18

Pigbuyu kud si Titu to oghondio to kaniu woy duon songo sulod ta to pogtuu no nigparuma ku kandin. No og-inso a ko nigpaginpulus si Titu dio to kaniu? Wa man su nokog-unawa koy ro to tuud noy woy to batasan noy.

2 Kurintu 2:7

No kuntoon, og-awoson to ogpasayluon now on sikandin woy ogbuligan now on ka goinawa rin oyow kono ogkalonod sikandin to subla no masakit to goinawa rin.

Episu 6:22

No ian to ogsuguon ku si Tikiku dio to kaniu su oyow ogkataga kow kanami ko nokoy ka pog-ugpo noy kai woy to oyow ogkabuligan ka goinawa now.

Pilipus 2:28

Sikan ian ka lagboy ku ogkoiniatan no igpouli ku sikandin dio to kaniu oyow ogkarago kow to pogkita now kandin woy to oyow kono ad on ogkasasow kaniu.

Kulusas 2:2

Woy ogpoomotan ku ka oghimuon ku su oyow ogkabuligan ka goinawa now. No ka sikan, ogligkat to ogkasagboka kow su ogmarakdakoloy kow to goinawa. No ian ogkohimu ka sikan su oyow ogkasabutan now on ian lagboy ka sikan no ingkaanad kaniu tongod ki Kristu. Sikan ian ka ingkoholos nokani no impohitaga on to Magboboot kanta.

1 Tisalunika 2:11

Ian su nataga kow to nounawa ka batasan noy to amoy no ogkohoy-u to anak din ka nig-os-osonan noy sikaniu, woy nigbuligan noy ka mgo goinawa now. Woy ungod noy nigtalosonan sikaniu oyow oglitos ka mgo batasan now to Magboboot, su sikandin ka ogsakup kaniu oyow ogkohimu kow on no suguanon din woy to oyow ogkatalaran kow on to karoyawon din.

1 Tisalunika 3:2

no insugu noy ka sulod tanow no si Timoteo to pinohondio noy on to kaniu. Sikandin, suguanon dod to Magboboot no ogbulig kanami to ognangonnangon to Maroyow to Nangnangonon tongod ki Kristu. No pinohondio noy on si Timoteo to kaniu oyow ogmarosonon din ka pogtuu now woy oyow og-os-osonan din sikaniu

1 Tisalunika 3:5

Sikan ian ko waro kud on maaguanta ka igkasasow ku kaniu, pinohondio kud on si Timoteo to kaniu oyow oghitagoon a rin ko noomonu on ka pogtuu now. Ka kuwo koy ko nakatood buwa si Satanas no og-ol-olog kaniu no naraat on buwa ka talabau noy to nig-anad noy kaniu.

1 Tisalunika 4:18

Sikan ian, ka soini no in-anad ku kaniu, igbulig now to goinawa to mgo duma now.

1 Tisalunika 5:11

Sikan ian, ogmoos-osonoy kow woy ogmabubuligoy kow oyow ogdakolon ka pogtuu now tibo unawa to kuntoon no batasan now.

1 Tisalunika 5:14

Mgo sulod, ogbuyu koy kaniu to oyow og-udlingan now ka mgo otow no pogulon oyow ogtalabau. Ogmaroyawon ta ka goinawa to mgo otow no ogkounus. Ogbuligan ta ka mgo otow no malintok ka pogtuu ran oyow ogmasalig on ka pogtuu ran, woy ogmalayaton ta ka goinawa ta to tibo no mgo otow.