Kulusas 4:6 - Manobo Ata

⁶ No og-awoson to ogmaroyawon ta ro ka ignangon ta to mgo otow oyow duon pulus to sikan no igkagi ta oyow ogkabuligan ka mgo otow no ogpamminog. Ian su og-awoson no ogkatou ki to litos no igkatabak ta to agad hontow no og-inso kanta tongod to pogtuu ta ki Hisus.

Kulusas 4:6 Iomraidhean Croise

Matiu 5:13

Sikaniu no mgo hibatoon ku, ogkounawa kow to asin no moomis ko ig-amut to ngalap, su pinabayo kaniu, ogmaroyow ka batasan to mgo otow. Di ko ogkaawo ka koomis to asin, konad on oglibong ka koomis din. Warad on pulus to asin ko warad on ka koomis din; litos on ian no igdogpak ta woy ogdiokdiokan to mgo otow.

Lukas 4:22

Ka tibo no mgo otow no namminog, maroyow ka kagi ran bahin ki Hisus. Di to nabolongbolong sikandan to maroyow lagboy ka kagi rin no nalituk, kagi ran to, “Hontow buwa no lukos soini ko kono do no anak ni Husi!”

Episu 4:29

Woy og-awoson to oyow waro maroot no kagi no oglibuwas to mgo bo-bo ta. Di ian do no litos no ogkagion ta ka maroyow ro no ogpakabulig to goinawa to duma ta no og-awoson dan. No ian to oyow ogkabuligan ka mgo otow no ogpamminog.

Kulusas 3:16

Mgo sulod, ipataliwaro ta to goinawa ta ka kinagian no in-anad ni Kristu. No ligkat to katouan no igbogoy to Magboboot, maan-anaroy ki woy moos-osonoy ki. No to mgo tod-om, woy mgo ulaging woy mgo kanta, ogsayoon ta ka Magboboot to sikan no mgo kinagian din no ingkasulat dongan woy ka kagi no ogligkat to Gimukud din no igpatagu to goinawa ta. No to tibo soini, ogpasalamatan tad on ian ka Magboboot.

1 Pedro 3:15

Di ogtahuron ta si Kristu dio to goinawa ta woy ogtokoron ta to sikandin ka Lagboy no Igbuyag ta. Woy og-awoson to ungod ki ogpanagana oyow duon on igkatabak ta to agad hontow no og-insoinso kanta tongod to og-im-imanan ta ki Kristu. Di ko ogtabak ki, og-awoson to igbogoy ta to litos no pogtahud ta kandan woy og-awoson to og mohimulung doka kagi ta kandan.