Kulusas 4:5 - Manobo Ata

⁵ Mgo sulod, ay-ayara now ka mgo batasan now to mgo otow no waro pad nigtuu oyow ko duon igliwak now, ogkaayun kow to ognangonnangon kandan tongod ki Hisus.

Kulusas 4:5 Iomraidhean Croise

Matiu 10:16

Nigparagas nigkagi si Hisus to mgo hibatoon din to, “Pamminog kow, igpohondio ku sikaniu dio to mgo otow no mabulut. Ogkounawa kow to ayam no oghingaranan to karniru no kono mabulut woy sikandan no oghondian now, ogkounawa sikandan to magintalunan no asu no mabulut lagboy. Omunaan no ogpanagana kow di kono kow oghimu to maroot to agad hontow.

Markos 4:11

Nigtabak si Hisus to, “Sikaniu, pigpasabut kow to Magboboot kow to inholos din no nangnangonon tongod to Pogsugu to Magboboot. Di ogkagian ku ka mgo otow no waro nigpasakup pinabayo to mgo pananglitan do

Ruma 16:19

Ogkarago a to nanangnangonan on dio to agad hondoi ka pogpaagad-agad now to Magboboot. No ogkoiniat a ko dakol ka katouanan now to oghimu to maroyow, di waro katouanan now atag to oghimu to maroot.

Kulusas 3:16

Mgo sulod, ipataliwaro ta to goinawa ta ka kinagian no in-anad ni Kristu. No ligkat to katouan no igbogoy to Magboboot, maan-anaroy ki woy moos-osonoy ki. No to mgo tod-om, woy mgo ulaging woy mgo kanta, ogsayoon ta ka Magboboot to sikan no mgo kinagian din no ingkasulat dongan woy ka kagi no ogligkat to Gimukud din no igpatagu to goinawa ta. No to tibo soini, ogpasalamatan tad on ian ka Magboboot.

1 Tisalunika 4:12

No ko sikan ian ka oghimuon now, ogkohimu no ogtahuron kow on to mgo otow no waro pad nigtuu woy kono now og-awoson no ogpakasaligsalig to agad hontow.

1 Timoteo 3:7

Woy og-awoson to maroyow ka mgo batasan din oyow songo ogtahuron sikandin to mgo otow no waro nigtuu ki Hisus, su ko kono, songo kuwo no ogkasamilian sikandin no ogkagawayan on ni Satanas.

Santiago 1:5

Nò, sikaniu no nigtuu, ko waro kow mataga ko nokoy ka maroyow no oghimuon now, buyu kow to Magboboot no ogkabogayan kow su magaan ogpambogoy to maroyow no pogsabut ta no kono ogpokogsondit ka goinawa rin to sikan no igbogoy rin.

Santiago 3:13

Ko duon otow dio to kaniu no ogkatou to og-udling woy mougsob to pogkasabuti rin, og-awoson to igpapitow rin to mgo otow ka maroyow no mgo batasan din woy to kono din igdoogdoog ka sikan no katouanan din.

Santiago 3:17

Di ka otow no duon katouanan no ogligkat to Magboboot, waro maroot no ogpakaamut to batasan din. Maroyow ka pogdumaruma rin. Ogmoungangon sikandin woy kono ogparakoldakol. Di maal-alukuy woy mohoy-uon sikandin woy ungod oghimu to maroyow. Og-unawoon din doka pogsagman din to agad hondoi no otow no waro igkoholos no batasan din.

1 Pedro 3:1

Sikaniu no mgo boi no duon asawa, og-awoson now no ogpaagad-agad no igpariralom now ka goinawa now to asawa now. Ian su oyow ko duon asawa now no waro pad mogtuu to kinagian to Magboboot, songo kuwo buwa no ogpakatood dod no ogtuu ligkat to ogpakakita sikandan to kaniu no batasan no maroyow, agad ko waro kagi now no igparinog kandan.