Kulusas 3:13 - Manobo Ata

¹³ Ogmalayaton ta ka goinawa ta to mgo duma ta. No ko duon igkabolu ta to agad hontow, og-awoson no ogpasayluon tad on sikandin unawa to nigpasaylu kinow on to Lagboy no Igbuyag ta no si Hisus.

Kulusas 3:13 Iomraidhean Croise

Matiu 5:44

Di ka koddi no ig-anad atag, kagi ni Hisus, ogdakolon now ka goinawa now to mgo usig now woy ampui now ka mgo otow no ogbayadbayad kaniu.

Matiu 6:12

Pasaylua koy to mgo salo noy, unawa to ogpasayluon noy ka mgo salo to mgo duma noy kanami.

Markos 11:25

Ka dangob pad. “Ko ogsasindog ka no og-ampu, ko maroot so goinawa nu dio to agad hontow, pasaylua nu sikandin woy ka og-ampu to Magboboot. Iling ka oyow songo ogpasayluan ka to Amoy nu no Magboboot no og-ugpo dio to langit.”

Lukas 11:4

Pasaylua nu ka mgo salo noy su songo ogpasayluon noy ka otow, agad hontow no nakasalo kanami. Buligi koy oyow kono koy ogkoumaan to agad nokoy no maroot no pogdoromdom oyow kono koy ogpokohimu to maroot.’ ”

Lukas 23:34

No kagi ni Hisus to Amoy rin dio to Langit to, “Amo, pasaylua nu ka mgo otow su waro dan matagoi ka oghimuon dan.” No dio to tano nighantak ka mgo sundalu ko hontow ka ogmakaabin to mgo ilisan ni Hisus.

Ruma 15:7

Sikaniu no nigtuu, dumaruma kow unawa ki Hisu Kristu no nigdumaruma kaniu. Ko sikan ka oghimuon now, ogkasayo ka Magboboot.

2 Kurintu 2:10

Nò, mgo sulod, ko duon otow no ogpasayluon now, songo ogpasayluon ku sikandin. No ko duon pa otow no duon nohimu rin no oglitos to ogpasayluon ku, ogpasayluon kud on ian dio to tangkaan ni Hisu Kristu su sikan ka songo ogpakabulig kaniu.

2 Kurintu 6:6

Woy ogkatagaan koy rod no suguanon to Magboboot su maroyow ka mgo batasan noy woy duon katagaanan noy to kinagian din woy mananoy koy ogkabolu to mgo otow di magaan koy atag ogkohoy-u. Woy ogbuligan koy to Gimukud to Magboboot woy ogdakoli noy to goinawa ka mgo otow.

Galasia 6:2

No sikanta, ogmabulbuligoy ki to kohirapi to duma ta. No ligkat to sikan, ogpakatuman ki to sugu ni Kristu to ogpadakdakoloy ki to goinawa.

Episu 4:2

Og-awoson to layun ki ogpoobos woy ogmolungangon ki. No ligkat to ogmarakdakoloy ki to goinawa, ogmalayaton ta ka goinawa ta to duma ta.

Episu 4:32

Di og-awoson atag to ogmabulbuligoy woy to ogmakolkohoy-uoy kinow. Woy ogmoul-ulioy kinow to goinawa no ogkounawa ro to nigpasaylu kinow on to Magboboot su ligkat to nighimu ni Kristu kanta.

Episu 5:2

No to tibo no oghimuon ta, iglagkos ta to igdakoli ta ka duma ta to goinawa. Ian su og-awoson to ogkounawa kinow ki Kristu no songo indakoli ki to goinawa rin no imbogoy rin on ka kandin no lawa to oyow ogkohimatayan no igpangabang kanta. No ka sikan, ian ogkounawaan ka moomut no ogtutungon no igpanubad dio to Magboboot no igkarago din.

Kulusas 3:12

Nò mgo sulod, pig-alam kow to Magboboot woy nohimu kow on no mgo sakup din su dakol ka goinawa rin kanta. Sikan ian no og-awoson no oghalinon ta ka mgo batasan ta to maroyow. Ogkohoy-uan ta ka duma ta woy kono kid ogparakoldakol. Og-awoson to oyow ogmoungangon ki woy kono kid magaan ogkabolu to duma ta.

Santiago 2:13

Ian su uromo, ko ogbobootan to Magboboot ka soini no kalibutan, ka otow no kuntoon kono ogkohoy-u to duma rin, songo kono ogkakohoy-uan to Magboboot. Di ka otow no og-ungod ogkokohoy-u to duma rin, songo ogkakohoy-uan to Magboboot.

1 Pedro 2:21

Ian su sikan ian to naabin kinow on no mgo sakup to Magboboot su oyow ogkounug ta si Kristu no nig-aguanta to kandin no igkabaybayari oyow ogkapangabangan kinow to logpad. No nohimu on sikandin no panag-ilingan ta.