Kulusas 2:9 - Manobo Ata

⁹ Ian su si Kristu, nohimu on no otow no duon lawa rin. Di ka tibo no duon to Magboboot, songo sikan dod lagboy ka duon to kandin.

Kulusas 2:9 Iomraidhean Croise

Matiu 1:23

“Ogkaboros ka sagboka no dalaga no waro pad magongoni to lukos. Og-anak sikandin to bato no lukos no soini no bato oghingaranan ki Imanwil no ka kalitukan to ngaran din ‘Nig-amut kanta ka Magboboot.’”

Lukas 14:22

“Waro malugoy no nig-uli ka suguanon no kagi rin to igbuyag din to, ‘Natuman on ka insugu nu koddi di duon pad litos oyow ogkaponu ka baloy nu.’

Lukas 3:22

no ka Gimukud to Magboboot, nigpohulughulug no ogkounawa to salapati no dio ki Hisus niglatun, no duon narinog no kagi ligkat to langit no nigkagi ki Hisus to, “Sikoykow ka koddi no anak no indakoli to goinawa ku. Dakol ka igkarago ku koykow.”

Huan 1:14

Soin no oghingaran to Kagi, nigpootow woy nig-ugpo kai to kanta to soin no kalibutan. Ogkoy-u lagboy sikandin woy malogot do ian ka kandin no ogpangagion. Nigkita noy ka karayawi rin no ka ogligkatan to sika karayawi ka Magboboot su kandin ka bugtung no Anak to Magboboot.

Huan 1:16

No, ogligkat to kandin no dakol no kohoy-u kanta, waro ogtamanan to igpulusi din kanta tibo.

Huan 10:30

Sikanami to Amoy ku woy sikoddi, sagboka koy ro.” Ian ka kagi ni Hisus.

Huan 10:38

Di ko oghimuon ku ka insugu koddi, agad kona a now ogtuuan, tuu kow to sikan no oghimuon ku oyow ogkataga kow woy ogpakasabut kow on to duon kai to koddi ka Amoy ku woy duon a dio to Amoy ku.”

Huan 14:20

Ko ogpokouma ka allow to igkootawi ku to kamatayon ku, ogkataga kow on to salupung a to Amoy ku. Woy ogkataga kow to songo unawa ka nasalupung kinow ro.

Huan 17:21

Og-ampuan ku sikandan tibo oyow ko ogtuu on sikandan, ogkasagboka ro so lawa ran. Ka goinawa ku to sikandan woy sikanta, Amo, salupungan kinow no ogkounawa to kanta, salupungan kid. Sikan ka goinawa ku to salupungan sikandan oyow ogtuu ka mgo waro pad nigtuu to nigsugu a nud.

Huan 2:21

Di ka lituk to kagi ni Hisus atag, ian ka lawa rin no ogkamatoy di ogkootawan to igkatatolu no allow.

Hinimuan 17:29

Nò, su anak kinow ian to Magboboot, kono ki poron ogdoromdom to ogkoiling ka Magboboot to mgo inotow-otow no nohimu no uru, woy ko bulawan, woy ko batu no ogpanhimuon to mgo otow no ogligkat do duon to natouan dan woy ka ogkaroromdom dan.

2 Kurintu 5:19

Soini ka ignangon noy: ligkat to pogkamatoy ni Hisu Kristu, nighimu ka Magboboot to dalan oyow ogkohimu no ogpoul-ulioy on kandin ka goinawa to mgo otow kai to tano. No kono din on ogdoromdomon ka mgo salo dan. No nigsaligan koy rin oyow ignangonnangon noy ka soini no dalan no imbogoy rin to oyow ogpokogpo-ul-ulioy kid on to goinawa ta kandin.

Kulusas 1:19

Ian su noiniatan to Amoy rin no ka Magboboot to, ko nokoy ka duon to Amoy, sikan dod lagboy ka duon to Anak din no si Hisus.

1 Timoteo 3:16

su tibo kinow nataga to maroyow lagboy ka impohitaga to Magboboot kanta tongod to soini no tu-tuu ian no tinuuan ta to: Nigpokootow si Hisu Kristu no nigligkat dio to Magboboot. Woy immalogot to Gimukud to Magboboot to maroyow on ian si Hisu Kristu. Nakitaan si Hisus to mgo diwata to Magboboot. Woy innangonnangon on sikandin dio to mgo otow no kono no Hudiu. Woy duon on mgo otow no nigtuu on kandin kai to tano. Woy nigbatun on sikandin dio to langit.

Titu 2:13

Ian su ogtatagad ki to sikan no allow no og-im-imanan ta woy igkarago ta no ogkakitaan on ka karoyawi to Magboboot no ian mabogbog woy ki Hisu Kristu no ian Talagpangabang kanta.

1 Huan 5:20

Nataga ki, tongod to Anak to Magboboot, to nighondii to soini no tano no nigbogayan ki nikandin to pogsabut oyow ogkatagaan ta ko hondoi ka tu-tuu ian no Magboboot. Sikanta no nigtuu, ogdumaruma ki kandin no ian ka tu-tuu no Magboboot woy songo ogdurumaruma ki to Anak din no si Hisu Kristu. Sikandin ian ka tu-tuu ian no Magboboot, woy sikandin dod ian ka ogpakabogoy to kouyagan no waro katamanan.

1 Huan 5:7

Ka Gimukud to Magboboot, songo ogpamalogot ki Hisus su tu-tuu ian ka kagi to Gimukud to Magboboot.