Kulusas 2:4 - Manobo Ata

⁴ No ian to ignangon ku kaniu to soini su og-awoson to kono kow ogkoubatan to agad hontow no ognangonnangon to nangnangonon no ogkoiling to tu-tuu, dokad di ubat.

Kulusas 2:4 Iomraidhean Croise

Matiu 24:24

Ian su uromo ogpokouma ka mgo kono no malogot no Im-imanan to mgo Koot-otawan woy ka mgo kono no malogot no talagnangon to kagi to Magboboot. Oghimuon dan ka mgo koin-inuan mgo igpatokod dan oyow ogkagawayan dan porom ka mgo otow no nig-alam to Magboboot, ko ogkoimu.

Matiu 24:4

Nigtabak si Hisus to, “Ayad-ayad kow no waro agad sagboka no otow no oggawayan kaniu,

Markos 13:22

Sikan ian su ogpokouma uromo ka mgo kono no malogot no Im-imanan to mgo Koot-otawan woy kono no malogot no talagnangon to kagi to Magboboot. Oghimuon dan pad ka mgo koin-inuan mgo igpatokod oyow ogkagawayan dan pad porom ka mgo otow no nig-alam to Magboboot ko ogkohimu.

Hinimuan 20:30

Woy,” kagi, “duon pad mgo otow no ogligkat kai lagboy to kaniu no ogbalowbalow to kinagian to Magboboot oyow duon mgo otow no ogpasakup kandan.

1 Kurintu 2:4

No to pog-anad ku, waro maralom no kinagian ku no ig-imuimu kaniu. Di ka Gimukud to Magboboot woy ka kabogbogan din ka impamalogot to innangonnangon ku.

2 Kurintu 11:3

Nò, mgo sulod, ian ku igkasasow ko ogkagawayan buwa ka pogdoromdom now no ogkoongkoran now buwa ka malogot woy malinis no goinawa now dio ki Hisu Kristu. Ogkoiling kow buwa ki Eba no nagawayan to moiria no mgo ubat to sikan no ulod no ian si Satanas.

Episu 4:14

Ko ogtumanon ta ka sikan, kono kid on ogkounawa to mgo bato no ogkahalinhalin ka goinawa ran. Di ogkasagboka ro ka goinawa ta. No kono kid on ogmagaan ogkaalap to agad nokoy no tinuuan no kono no tu-tuu no ig-anad to mgo otow no magawoygawoy to og-uubat to mgo otow.

Episu 4:17

Sikan ian mgo sulod, su nohimu a no suguanon to Lagboy no Igbuyag ta no si Hisus, ogbohog a kaniu to oyow kono kow on oghimu to mgo maroot no oghimuon to mgo otow no waro nigtuu to Magboboot no malasi ogdoromdom to waro pulus.

Episu 5:6

Omunaan oglogparan to Magboboot ka mgo otow no kono ogpaagad-agad kandin su sikan ian ka mgo batasan dan. Sikan ian to kono kid ogpaagad-agad to agad hontow no og-imuimu poron kanta to mgo kagi no kono no tu-tuu. Ian su oyow kono kid ogkoubatan.

Kulusas 2:18

Kono kow ogpaboot to mgo otow no og-anad poron kaniu no ognangon to og-awoson to ogpoobos ki no ogsimboon ta ka mgo diwata to Magboboot. No ka igpatuu kaniu to ogkagion dan, oghonduonon to duon kun impapitow to Magboboot kandan no mgo pootow-otow. Di kono kow ian ogpamminog ko duon ignangon dan to oglogparan kow kun ko kono kow ogpaagad-agad to ig-anad dan. Ian su ka sikan no mgo otow, ogparakoldakol do duon sikandan. Dokad di ubat do duon ka ignangon dan. Waro pulus ka ig-anad dan su ogligkat do duon to mgo doromdom to mgo otow no kono no litos.

Kulusas 2:8

Sikan ian, ayad-ayad kow oyow kono kow ogkagawayan to agad hontow no ognangonnangon to nangnangonon no ogligkat to soini no kalibutan no ogkoiling to tu-tuu, dokad di ubat no waro pulus. Ka sikan no mgo nangnangonon, ogligkat do to doromdom to mgo otow woy ogligkat dod to mgo busow, kono no ligkat ki Kristu.

2 Timoteo 2:16

Lipasi nu ka sikan no waro pulus no igpamatbat to mgo otow no kono oglitos to Magboboot su sikan ka ogpakaawo to mgo otow dio to tangkaan din.

2 Timoteo 3:13

Di ka maroot no mgo otow woy ka oggawoy to duma no mgo otow, ogkatimulan do duon ka maroot no oghimuon dan no oggawayan dan ka duma no mgo otow to pogtuu ran woy songo ogkagawayan sikandan.

1 Huan 2:18

Mgo anak, nokouma kid on to tipouri. Nigdinog kow to duon otow uromo kai to kalibutan no og-usig ki Kristu. Di agad kuntoon pad, mohon-ing ka natagaan tad no mgo otow no og-usig ki Kristu. Sikan ian to nataga ki to nokouma kid on to tipouri.

1 Huan 2:26

Ka sikan no ignangon ku kaniu, ian su duon mgo otow no ogpasuwoy poron kaniu.

1 Huan 4:1

Mgo sulod, kono tad on ogtuuan ka tibo no mgo nangnangonon no ogligkat dio to agad hondoi. Ian su og-awoson to og-ol-ologan ta ka sikan no mgo nangnangonon ko tu-tuu no nigligkat to Gimukud to Magboboot woy ko kono. Ian su mohon-ing ka mgo otow no og-alap-alap to mgo nangnangonon kai to ampow to soini no kalibutan no og-abinon dan to mgo talagnangon to kagi to Magboboot dokad di ubat doka ogkagion dan.

2 Huan 1:7

Ian ku ignangon ka soini su mohon-ing ka ogpan-anad no oghihipanow kai to ampow to soini no tano. No ogpan-anad sikandan to si Hisu Kristu, kono no Lagboy no Igbuyag ta no nigligkat to langit no noimu on no otow. Ogpanggawoy sikandan woy og-usigon dan si Kristu.

Impapitow 12:9

Ka sikan no dakol no ulod woy ka mgo diwata rin, indogpak kai to tano. No ka sikan no ulod, duon dongan no ian ka igbuyag to mgo busow no oghingaranan ki Satanas woy si Talagbayung. No sikandin ka niggawoy to tibo no mgo koot-otawan kai to soini no kalibutan.

Impapitow 13:8

No ogsimboon sikandin to tibo no mgo otow to soini no kalibutan no waro ikasulat ka ngaran dan dio to sulatanan to ngaran to mgo otow no ogbogayan to kouyagan no waro katamanan. Ligkat to waro pad nohimu ka soini no kalibutan, tahan on no ingkasulat ka ngaran dan to sikan no sulatanan to Nati to Karniru no nighimatayan nokani.

Impapitow 20:8

Woy oglogoblogobon din ka tibo no mgo ugpaan to kalibutan no oghingaranan to Gog woy Magog oyow ogkagawayan din ka mgo otow. No oglimuron din on sikandan oyow ogman-atu to Magboboot. Mohon-ing lagboy sikandan no ian ogkounawaan ka bayokbok to dagat.