Kulusas 2:16 - Manobo Ata

¹⁶ Sikan ian, kono kow ogpamminog to mgo otow no og-apul poron kaniu ko kono kow ogpaagad-agad to ig-anad dan tongod ko nokoy ka nahan dan no litos no ogkakoon now woy ko ogkoinum now, woy ko tongod to mgo pagkoonan dan, mgo allow no nahan dan no og-awoson now to og-indanan, woy ko mgo pogsayo dan ko ogsilo man do ka bulan, woy ko duon allow no oghimoloy no igpatuman kaniu.

Kulusas 2:16 Iomraidhean Croise

Matiu 15:11

Waro agad nokoy no og-abolongon to otow ka ighimu to maligsom no otow oyow kono ogtangko to Magboboot. Di ka kagi no ogpuun to maroot no goinawa ka ighimu to maligsom no otow oyow kono ogpakatangko to Magboboot.”

Markos 7:19

Sikan ian su kono no ogpakasolod ka koonon ta dio to goinawa ta ko kono no dio to gotok ta ogpakasabuk woy oglibuwas do to lawa ta.” To soini ka kagi ni Hisus, ogpohitagoon din no litos ka tibo no ogkakoon.

Hinimuan 15:20

Di ogsulatan ta sikandan to oyow kono og–amut to mgo pagkoonan no duon igtubad to mgo inotow-otow, woy kono dan oghilaboti ka kono no asawa ran, woy to oyow kono ogkoon to mgo langosa.

Ruma 14:10

Nò, su sikan ian, og-inso a kaniu ko manio to duon otow dio to kaniu no ogdoisokon din ka nohimu on no sulod din to pogtuu ta, woy duon dod duma no ogsumansuman to madmaroyow ka kandin no batasan dio to tangkaan to Magboboot? Kono no litos ka sikan su uromo, tibo kinow ogpakasasindog dio to tangkaan to Magboboot no sikandin ka ogboboot tongod to tag sagboka kanta ko litos ka mgo batasan ta.

Galasia 4:10

Ian ku ig-inso su duon dod ogtumanon now no mgo allow woy ka mgo bulan woy ka mgo tuid.

Kulusas 2:20

Nò, mgo sulod, su nigtuu kid on, nounawa to nalagkos kinow on ki Kristu to pogkamatoy rin. No sikan ian to warad on labot ta to mgo tinuuan to soini no kalibutan no ogligkat to mgo busow woy ko mgo otow. No su tu-tuu ian ka sikan, og-awoson to kono kid on ogpaagad-agad to igsapad to mgo talag-anad to sikan no mgo tinuuan no ignangon kaniu to,

Hibriu 13:9

Nò, ayad-ayad kow to sikan no tu-tuu no dalan to oyow kono kow ogpakasuwoy no ogligkat to loinloin no mgo ig-anad. Ian su ka maroyow no igkohogot to pogtuu ta ka igkohoy-u to Magboboot, no kono no ka mgo Balaod ni Moisis tongod ko nokoy ka litos no ogkakoon ta no mgo ngalap. Ka mgo otow no nigtuman to sikan, waro mabuligi.

Hibriu 9:10

Ian su ka sikan no mgo Balaod, ian do ogkasugat ka dii ro to lawa to mgo otow unawa to litos no pogkoon dan, mgo ogkoinum dan, woy ka mgo pogdigus to lawa ran. Di ka pulus to sikan no mgo sugu, ogtaman do to ogpokouma on ka igliwan to Magboboot to sikan no Balaod.

Santiago 4:11

Mgo sulod, kono ta ogmarooton ka duma ta su ka otow no ogkagi to maroot to duma rin woy ko ogdoisokon din, ogkaam-ampawan din ka goinawa rin to sikan no Balaod to Magboboot. Di ko og-am-ampawan ta ka Balaod to Magboboot, kono tad on ogpaag-agaran di ogkoiling ko talagboot ki ro duon.