Kulusas 2:13 - Manobo Ata

¹³ Nokani, nounawa kow to mgo nammatoy su waro kouyagan now no ligkat to Magboboot. Ian su duon pad mgo salo now woy maroot ka mgo batasan now su kono kow no Hudiu woy waro kow pad masakup to Balaod to Magboboot. Di kuntoon, nabogayan kow to kouyagan no waro katamanan ligkat to Magboboot. No ian ogkounawa to nigduma kow ki Hisu Kristu no nouyag on su nigpasayluan kinow on to Magboboot to tibo no salo ta.

Kulusas 2:13 Iomraidhean Croise

Lukas 15:24

Sikan su ka anak ku, nounawa to namatoy on di kuntoon, nootawan on, woy unawa to nalagak di kuntoon nokouli do,’ kagi to amoy. Duon ian nigbunsud ka pagkoonan dan.”

Lukas 15:32

Di litos ian ko ogkarago ki no oghimu ki to dakol no igkarago ta su soini no hari nu, nounawa to namatoy sikandin, di kuntoon, nootawan dod,’ kagi to amoy rin. ‘Ka igkarua, ka hari nu, unawa to nalagak sikandin no kuntoon, nokouli do.’ Sikan ka kagi to amoy rin,” kagi ni Hisus.

Lukas 9:60

Di kagi ni Hisus kandin to, “Balagara nu pa su ka mgo oglobong to sikan no namatoy, sikandan ian no wa pad nigtinawo to Magboboot. Sikoykow atag,” kagi ni Hisus, “hipanow kad on no nangnangoni nu ka mgo otow tongod to Pogsugu to Magboboot.”

Huan 5:21

Og-uyagon to Magboboot ka namatoy su oyow ogkootawan on. Agad koddi no Anak din, songo og-uyagon ku ka agad hontow no ogkoiniatan ku to og-uyag.

Huan 6:63

Ka Gimukud to Magboboot ka ogbogoy to kouyagan no waro katamanan. Kono ogkohimu pinabayo to goinawa to otow. Sikan no in-anad ku kaniu, nigpuun dio to Gimukud to Magboboot no pinabayo to soini, ogbogayan kow to kouyagan no waro katamanan.

Ruma 4:17

Sikan ian ka ingkasulat to kinagian to Magboboot ki Abraham dongan to: “Oghimuon ku sikoykow no kaap-apuan to mohon-ing no mgo otow no dio to agad hondoi no mgo ugpaan no ogloinloin ka gobirnu.” Sikan ian, dio to tangkaan to Magboboot, ka mgo otow no songo ogtuu kandin, ogkohimu on no mgo pinanganak ni Abraham. Nò, ka Magboboot no nigtuuan ni Abraham, ian dod ka Magboboot no og-uyag to mgo otow no nammatoy, woy ligkat to kagi rin, oghimuon din ka waro pad nohimu.

Ruma 6:13

Ka mgo sumpul to soini no lawa ta, kono ta igbogoy no ighimu to maroot. Di atag, igbogoy ta to oyow ka Magboboot ka ogboot kanta su oyow ka mgo sumpul to lawa ta ka ighimu ta to maroyow, su sikan ian ka litos no oghimuon ta su naawo kid on to kamatayon no nabogayan kid on to iam no pogkouyag ta.

Ruma 8:11

Ka Magboboot ka nig-uyag ki Hisu Kristu, no sikandin dod ka nigsugu to Gimukud din kai to kanta. Nò, ko og-ugpo ka Gimukud to Magboboot kai to goinawa ta, ka lawa ta no ogkamatoy on, songo ogkouyag on su ligkat dod to Gimukud din no og-ugpo to goinawa ta.

1 Kurintu 15:36

Ka ku kow kaniu su ogkoiling to boni no igpamula ta. No ko ogtubu on, ogkoongkoran woy ogkamolu on ka tahan no lawa rin.

1 Kurintu 15:45

Ian su duon impasulat to Magboboot dongan. Kagi rin to, “Ka an-anayan no otow no si Adan, nohimu on no pinagogoinawa to kandin no lawa.” Si Hisu Kristu no oghingaranan to mohuri no Adan ka ogpakabogoy kanta to kouyagan no waro katamanan.

2 Kurintu 3:6

Sikandin, ka nigbogoy kanami to katondanan oyow ogpakaanad koy kaniu to sikan no iam no dalan no insabut din kanta. Di ka sikan, kono ogligkat to Balaod no ingkasulat dongan, di ogligkat atag to Gimukud to Magboboot. Ian su ligkat to sikan no Balaod, ian ta poron ogkoumaan ka kamatayon. Di ka Gimukud din atag ka ogbogoy kanta to kouyagan no waro katamanan.

2 Kurintu 5:19

Soini ka ignangon noy: ligkat to pogkamatoy ni Hisu Kristu, nighimu ka Magboboot to dalan oyow ogkohimu no ogpoul-ulioy on kandin ka goinawa to mgo otow kai to tano. No kono din on ogdoromdomon ka mgo salo dan. No nigsaligan koy rin oyow ignangonnangon noy ka soini no dalan no imbogoy rin to oyow ogpokogpo-ul-ulioy kid on to goinawa ta kandin.

Episu 2:1

Nokani no waro kow pad nigtuu, nounawa kow to mgo nammatoy su waro pad kouyagan now no waro katamanan. Ian su waro kow pad nigpaagad-agad to innangon to Magboboot, woy su maroot pad ka mgo batasan now.

Episu 2:11

Nò, sikaniu no kono no Hudiu no ogtuu on ki Hisus, doromdoma now ka dalan now nokani no waro kow pad nigtuu kandin. No ka mgo Hudiu no ogpatuli, nighingaranan dan sikaniu to mgo otow no kono no tinuli.

Episu 5:14

Ian su ka tibo no ogkoumaan to layag, ogkabat-awan on. No ko ogkabat-awan on, ogpakatokod ko nokoy on ka mgo batasan. Sikan dod ian ka lituk to soini dangob no pananglitan: “Sikaniu no ogmanhirogo, himata kow on. Woy sikaniu no nammatoy, kokouyag kow on, no ogkabat-awan kow on ni Kristu.”

Kulusas 2:12

Ian su, ka pogpabautismu now, songo nounawa rod to nigduma kow ki Kristu no inlobong on ka lawa rin. Woy songo nounawa rod to nigduma kow kandin no nouyag on to kamatayon din. No ka pogduma now kandin, nigligkat to pogsalig now to ogkohimu to kabogbogan to Magboboot no ian din in-uyag ki Kristu to kamatayon din.

1 Timoteo 5:6

Di ko duon balu no ian din do ogdoromdomon ka agad nokoy no igkarago din no kono no litos, agad waro pad mamatoy di ogkounawa to namatoy on sikandin.

1 Timoteo 6:13

Ka Magboboot woy si Hisu Kristu, ka ogparinogon ku to soini no igsugu ku koykow to og-awoson nu to ogpaagad-agad ka to mgo insugu ku koykow woy ay-ayari nu to waro ogpakasolug no maroot woy to oyow waro igkoogot koykow taman to oglibong kai to tano si Hisu Kristu no ian Lagboy no Igbuyag ta. Ka Magboboot ka ogbogoy to kouyagan dio to agad nokoy, no duon goinawa. No si Hisu Kristu, ian ka nigmalogot to tu-tuu ian no tinuuan no dio pad sikandin to tangkaan ni Punsiu Pilatu.

Hibriu 6:1

Sikan ian to kono kid on oglibonglibong to sikan no malomu ro no ingkaanad kanta an-anayan tongod ki Kristu. Di og-awoson to ogparagas kid on to sikan no pog-anad no ogpokohogot on to pogtuu ta. Ian su tahan now on buwa natagaan to nig-awos on to og-iniugan tad ka mgo hinimuan no warad pulus woy to ogtuu kinow on to Magboboot.

Hibriu 9:14

Nò, ko sikan ka pulus to langosa woy ko alibu to ayam do duon, kono man ogkasool ka pulus to langosa ni Kristu. Ian su ligkat to pogbulig to Gimukud to Magboboot no kono ogkataman, imbogoy ni Kristu ka kandin no lawa no igtubad no waro salo din to Magboboot. No ligkat to sikan, ka langosa ni Hisus ka ogpakaawo to maligsom to doromdom ta no nigligkat to mgo hinimuan ta no waro pulus. Ian su oyow ogpakatood ki to oghimu to sikan no ogkoiniatan to Magboboot no kono ogkamatoy.

Santiago 2:17

Ogkounawa rod ko duon pogtuu ta di waro igbulig ta su ian ogkounawaan ka nighab-unan no boni no namatoy on.

Santiago 2:20

Sikaniu no naangol og-inso a ko og-awoson now pad to duon igpapitow ku kaniu no igmalogot to waro ian pulus to pogtuu ta ko waro maroyow no oghimuon ta?

Santiago 2:26

Nò ian ku ignangon, ko duon on pogtuu ta di kono ogpakalagkos to maroyow no oghimuon ta, ian ogkounawaan ka lawa ta no namatoy on man ko warad goinawa. Ian su songo waro pulus to sikan no pogtuu ta.

1 Huan 2:12

Mgo anak, ogsulatan ku sikaniu su nigpasaylu kow on to mgo salo now su ligkat to nighimu ni Hisus.